RDKTA KUMINSA BUELTA PA PAPIA KU INTERESADONAN MIENTRAS TA SIGUI KU ESFUERSO PA BOLBE PONE E REFINERIA BEK DEN OPERASHON

Posted by

KOMUNIKADO DI PRENSA:
RDKTA KUMINSA BUELTA PA PAPIA KU INTERESADONAN MIENTRAS TA SIGUI KU ESFUERSO PA BOLBE PONE E REFINERIA BEK DEN OPERASHON

Willemstad 4 di aprel 2019 – Konforme e planifikashon, Project Management Organization (PMO),
enkargá ku e búskeda pa un partner stratégiko pa nos refineria despues di 2019, ta kuminsá reuní ku
potensial partnernan ku a mustra interes pa manehá, operá i modernisá nos refineria unabes e kontrakt aktual terminá. For di otro siman miembronan di PMO lo bai, den dos diferente delegashon chikí, tantu na Merka komo na Inglatera pa kuminsá papia ku partidonan ku a demonstrá interes den nos refineria.
Esaki ta e promé grupo di interesadonan ku PMO lo bishita i hiba kombersashon kuné. Meskos lo hasi ku tur otro partidonan ku ta mustra di tin e potensial pa ta un partner pa nos refineria.
E bishita dor di PMO na e diferente kompanianan ta bin despues ku RdK a manda inventarisá interes serka alrededor di 50 kompania te kon leu nan tin interes den un kontrato di mas aña pa manehá i operá
nos refineria. Miéntras ku ainda e reakshonnan ta drenta, PMO konforme su asina yamá “roadmap” ku e ta kana pa yega na e partner stratégiko, ta kuminsá ku su buèlta di bishita na e empresanan ku ya kaba a
demonstrá interes. Den esaki ta trata di atendé e búskeda den un forma mas efisiente (dor di bishitanan simultáneo), pero tambe na forma transparente (esta ku mas miembro ta asistí den un delegashon chikí na un kombersashon.) Ta spera ku pa fin di e luna aki por yega na un lista kòrtiku di esnan interesá.
Esnan selektá lo keda invitá pa bishitá e instalashonnan di nos refineria i hasi un asina yamá “Due Dilegence” den luna di Mei i Yüni próksimo. E kompanianan durante yüli mester entregá un oferta.
Durante di e bishitanan na e diferente kompanianan: lo sigui sondia tambe e interes pa un entrada mas trempan den operashon di nos refineria.
RdK entretantu a sigui ku su esfuersonan, huntu ku e aktual operadó, Refineria Isla, pa na promé lugá reanudá operashon di nos refineria i na di dos lugá, pero no ménos importante, purba generá entrada
pa pago di salario di empleadonan ku ta traha den nos refineria. RdK, banda di esaki, ta inventarisando vários otro trayekto pa reanudá e proseso di refinamentu. Ta importante suprayá si ku suministro di
krudo ta keda e faktor mas determinante pa e refineria por drai atrobe. Bal enfatisá tambe ku ta Refineria Isla, komo e operadó, ta esun responsabel pa perkurá pa su krudo yega i keda refiná òf ku e ta sera un akuerdo ku tersero pa suministro di krudo i despacho di produkto, asina yamá “tolling deal.”

FB_IMG_1554396863797

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.