MCB ta orguyoso di patrosiná Carifta Junior Chess 2019

Posted by

MCB ta orguyoso di patrosiná Carifta Junior Chess 2019

 

MCB ta sumamente orguyoso di ta patrosinadó mayó di Carifta Junior Chess Championship 2019. E banko komersial ta kontentu di por yuda den desaroyo dje wega di ahedres i ku un kantidat rèkòrt di isla den Karibe ta kompetí na Kòrsou. Esaki Adayfa de Lannoy ku ta ofisial di merkadeo di MCB a deklará.

De Lannoy tabata invitado di Federasho Ahedres Kòrsou (FEDAKO) ayera, djaweps 4 di aprel 2019, durante un enkuentro ku prensa. Esaki a tuma lugá den sala Blenchi di Curaçao Hilton Resort na Piscadera.

E ofisial di merkadeo di MCB a deklará na prensa ku e bai informá su mes tokante ahedres i ku esaki a impreshoná su persona. De Lannoy a sigui opiná ku ta un ramo kaminda fokus i strategia ta importante. E ta haña esakinan dos komponente importante pa desaroyo di prinsipalmente hóbennan i pues ku mas mucha for di edat yòn ta haña chèns pa siña hunga ahedres.

Adayfa de Lannoy a aksentuá ku e ta orguyoso ku MCB ta sostené komo patrosinadó mayó e kampionato di ahedres. E ta spera ku esaki lo stimulá mas hóben pa kuminsá práktika e deporte nobel aki i ku e ramo deportivo tambe desaroyá bira mas grandi na Kòrsou.

E kantidat rèkòrt di 11 islanan di Karibe, bon pa 185 ahedresista hubenil ku ta bai kompetí den e siman di 18 pa 23 di aprel próksimo, tambe a impreshoná e ofisial di merkadeo di MCB. E tabata hopi antusiasmá i a puntra kua ta e edat mas yòn ku ta bai kompetí. Esaki ta un mucha di 5 aña. Finalmente Adayfa de Lannoy a deklará ku tur esaki ta hasiele mas orguyoso ku MCB ta forma parti dje historia úniko dje deporte aki.

Carifta Adayfa de Lannoy

 

Riba e foto:

Ofisial di merkadeo di MCB Adayfa de Lannoy.

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.