‘Tesorito’ di Banco di Caribe a selebrá su promé aña djasabra último na Sambil

‘Tesorito’ di Banco di Caribe a selebrá su promé aña djasabra último na Sambil

WILLEMSTAD:  Djasabra último ‘Tesorito’ a selebrá su kumpleaño ku su amigunan spardó. Muchanan por a pasa Sambil pa tuma nan plachi di klùr ku nan tin mester pa partisipá na e kampaña. Ya ta un aña pasá ku Banco di Caribe a introdusí su kuenta di spar pa mucha di 0 pa 18 aña. Banco di Caribe a duna un palabra na un i tur ku tabata presente i spesialmente na e mayornan. A gradisí nan pa nan esfuerso pa kontribuí na e muchanan su finansa for di chikí. Ademas, tur persona ku aña pasá tabata di promé ora pa habri nan kuenta di spar “Tesorito” tambe a risibí un regalito komo muestra di apresio. Na final, a entregá e plachi di klùr di Tesorito na un i tur ku tabata deseá esaki.

 

Banco di Caribe ta kòrda tur mucha entre 4 pa 11 aña riba e kampaña di “Tesorito”.  Krea un arte ku e plachi di klùr di ‘Tesorito’ ku ta disponibel na un di e filialnan di Banco di Caribe na Kòrsou òf print esaki fásilmente via www.bancodicaribe.com. Por entregá e arte na un di e filialnan te dia 30 di aprel próksimo. Mucha di 12 pa 17 aña por graba un video di un baile kreativo trahá riba e jingle di ‘Tesorito’. E jingle ta disponibel riba e página di Facebook di Banco di Caribe. Unabes e video ta grabá, poné riba bo página di Facebook personal i ‘tag’ Banco di Caribe den dje usando e hashtag #BdCTesoritoChallenge. Tur video ku wòrdu di ‘post’ te dia 30 di aprel ta partisipá. Bishitá Banco di Caribe su wèpsait www.bancodicaribe.com pa tur e kondishonnan ku mester kumpli kuné pa por partisipá. Lo anunsiá e ganadónan dia 7 di mei 2019 riba Banco di Caribe su página di Facebook.