Pronóstiko di tempu pa Kòrsou i bisindario bálido te djaweps mainta 06:00 o.l, 25 di aprel 2019. (potret + video)
Pronóstiko di tempu pa Kòrsou i bisindario bálido te djaweps mainta 06:00 o.l, 25 di aprel 2019.
Kompilá: djárason 24 di aprel 2019, 05:00 o.l. (09:00 UTC).
Tempu: Parsialmente nublá i awe mainta temporalmente hopi nublá ku chèns pa algu di áwaseru aki of aya. Mas lat den dia tempu seku lo prevalese.
Temperatura máksimo lo alkansá 30 ºC i temperatura mínimo 25 ºC.
Solo ta sali 06:20 i ta baha 18:49 o.l.
Bientu: For di direkshon ost i moderá; forsa 3 te 4 (12 te 30 km/ora, 7 te 16 nudo). Prinsipalmente den dia, ráfaga de bes en kuando te basta fuerte; forsa 5 (31 te 39 km/ora, 17 te 21 nudo).
Situashon general: Durante di awe mainta mas nubia lo plama riba nos region i esaki por kousa momentunan ku algu di áwaseru. Sinembargo di durashon kòrtiku.
E fluho di bientu lo sigui basta suak te moderá i laman tambe lo keda relativamente trankil durante e proksimo 24 ora.
Kondishon di laman: Trankil te moderá ku altura di olanan entre di 0.5 i 1.5 meter (2 te 4 pia).
Fenómeno spesial: Ningun
Perspektiva te djabièrnè mainta: Por lo general parsialmente nublá i no ta spera áwaseru signifikante.
Meteorólogo: Statia.
