SERKA LABDEMED AWOR KORSOU POR DISPONE DI RESULTADO DI TEST RIBA SARAMPI DEN 24 ORA / BIJ LABDEMED KAN ER NU OP CURAÇAO BINNEN 24 UUR VASTGESTELD WORDEN OF IEMAND BESMET IS MET MAZELEN

SERKA LABDEMED AWOR KORSOU POR DISPONE DI RESULTADO DI

TEST RIBA SARAMPI DEN 24 ORA

 

Willemstad-  1 di mei 2019- Sarampi ta un malesa ku ta pasa rápido di hende pa hende.  P’esei ta importante pa keda determiná mas lihé ku ta posibel ku un persona tin sarampi si òf no.  LabdeMed ( Laboratorio di Medicos) ku kontinuamente e nesesidatnan di nos komunidat su dilanti, a invertí i awe por hasi e tèst di sarampi aki na Kòrsou pa asina den 24 ora un persona por haña sa ku si e ta infektá ku sarampi.   Di e forma aki LabdeMed ta kontribuí na un forma proaktivo na alsa kalidat di kuido di nos komunidat.

“Rònt mundu nos ta mira brote di sarampi for di 2017.  Un diagnóstiko rápido ku un kaso sospechoso di sarampi ta importante paso sarampi ta plama rápido di persona pa persona.  Konsiente di esaki i ku bienestar di nos pueblo na mente nos di LabdeMed a invertí i awe por ofresé resultado di un tèst riba sarampi den 24 ora.  Anteriormente a yega di dura kasi dos siman pa un tèst bai Ulanda afin ku por diagnostiká ku un kaso ta sarampi. Nos tur por imaginá kuantu hende mas por keda kontagiá durante di e periodo ku ta warda riba e resultado, dado kaso tabata trata di un kaso di sarampi”  Rudy Le Blanc di LabdeMed a bisa.

Ministerio di Salubridat, Salu i Medio Ambiente resientemente a kuminsá ku alerta nos komunidat pa tuma akshonnan di prekoushon pa evitá ku bo ta kore rísiko di haña sarampi.  Kasonan di Sarampi a bin ta manifestá nan mes mas i mas rònt mundu meskos ku den nos region tambe. Apesar ku e situashon di salubridat por ta na nivel den paisnan den nos region, no por ekskluí e rísiko ku personanan, ku tin e vírus di sarampi, por bini Kòrsou i kontagiá un hende.   Ta pa e motibu aki detekshon di sarampi rápido por yuda nos komunidat aktua rápido dado kaso un dòkter topa ku un kaso sospechoso.

Prevenshon, i kaminda mester detektá malesa  den un estado trempan, ta importante den e kuido. LabdeMed su maneho ta aliniá ku e maneho di gobièrnu kaminda prevenshon ta hopi importante.  P’esei profeshonalnan di LabdeMed ta traha aktivamente i konsientemente tur dia riba inovashon ku ta kontribuí na diagnóstikonan di kalidat al dia.  LabdeMed mes ta realisá aktivamente programanan di prevenshon atraves di vários medio di komunikashon. Ku su mas di 40 aña, bon ankra den nos komunidat, LabdeMed ta hasi lo máksimo pa ofresé servisio relevante ku ta oumentá kalidat di bida di kada un di su klientenan.

Ta bon pa un i tur sigui e rekomendashonnan duna pa nos outoridatnan di salubridat públiko kon pa prevení di keda kontaminá ku sarampi.  Bishita bo dòkter di kas mesora dado kaso bo nota síntomanan ku por ta indikashon di e malesa.

 

BIJ LABDEMED KAN ER NU OP CURAÇAO BINNEN 24 UUR VASTGESTELD WORDEN OF IEMAND BESMET IS MET MAZELEN

Willemstad – 1 mei 2019- Mazelen is een besmettelijke ziekte die snel verspreid wordt. Het is daarom van belang om zo snel mogelijk vast te stellen of iemand besmet is met mazelen of niet. LabdeMed (Laboratorio de Medicos) die continu de belangen van onze gemeenschap voorop stelt, heeft nu de mogelijkheid om de test voor mazelen, waarbij binnen 24 uur vastgesteld kan worden of een persoon besmet is, uit te voeren. LabdeMed draagt zo op proactieve wijze bij aan de verbetering van de kwaliteit van de zorg in onze gemeenschap.

“Sinds 2017 is er in de hele wereld een uitbraak van mazelen. Een snelle diagnose voor wat betreft een verdacht geval van mazelen is belangrijk, want het is een besmettelijke ziekte die snel verspreid wordt. Bewust van de mate van besmettelijkheid met daarbij het belang van de bevolking voorop, heeft LabdeMed de nodige investeringen gedaan waardoor het nu mogelijk is om uitslag te krijgen binnen 24 uur op een test op mazelen. Voorheen heeft het bijna twee weken geduurd om een test naar Nederland te sturen, zodat vastgesteld kon worden of er sprake was van mazelen. Gedurende de periode waar op uitslag gewacht wordt kunnen diverse personen besmet raken in het geval er sprake is van mazelen”, aldus Rudy Le Blanc van LabdeMed.

Het Ministerie van Gezondheidszorg, Welzijn en Milieu is recentelijk gestart om onze samenleving bewust te maken om zelf voorzorgsmaatregelen te treffen om te voorkomen dat men het risico loopt om mazelen te krijgen. Gevallen van mazelen komen steeds vaker voor in de rest van de wereld evenals in onze regio. Ondanks het feit dat de situatie van gezondheidszorg in de landen in onze regio stabiel is, kan het risico niet worden uitgesloten dat personen besmet met het virus naar Curaçao kunnen komen en voor besmetting kunnen zorgen. Om deze reden is het snel diagnosticeren van mazelen van belang; er kan dan snel worden gehandeld in het geval een arts een verdacht geval signaleert.

Preventie en waar nodig het diagnosticeren van ziekte in een vroeg stadium, is belangrijk in de zorg. Het management van LabdeMed is derhalve in overeenstemming met dat van de overheid, waar preventie heel belangrijk is. Daarom werken de professionals van LabdeMed dagelijks bewust aan innovatie die kan bijdragen aan doelmatige diagnostiek; daarbij realiseert LabdeMed diverse preventieprogramma’s middels verschillende communicatiekanalen. Met meer dan 40 jaar ervaring doet LabdeMed haar uiterste best om door het aanbieden van relevante diensten de kwaliteit van leven te verbeteren voor haar klanten.

Het is goed dat eenieder de aanwijzingen van onze autoriteiten op het gebied van de publieke gezondheidszorg volgt ter voorkoming van besmetting met mazelen. U dient gelijk bij uw huisarts te melden in geval er sprake zijn van symptomen, welke kunnen duiden op deze ziekte.