Barku Freewinds ta mará na Kòrsou pero bou di quarantaine

Barku Freewinds ta mará na Kòrsou pero bou di quarantaine

Djasabra ultimo e barku Freewinds a yega Kòrsou ku un kantidat di 277 persona, pasahero i tripulante, a bordo. Tur persona mester keda a bordo di e barku te ku sigur djarason benidero. Manera publiká siman pasá, un dama di e tripulashon di Dinamarka a keda infektá pa sarampi. Na momentu ku esaki a bira konosí, e barku tabata nabegando rumbo pa Sint Lucia. Komo ku sarampi ta kontagioso, ta teme ku e malesa a keda plamá bou di e personanan a bordo di e barku. E barku a sigui su rumbo i a mara djasabra na Kòrsou. Personal kompetente tabata a bordo di e barku pa kue sanger di tur persona. For di e resultadonan di tèstnan di sanger lo por determiná si e malesa a plama bou di e personanan ku ta a bordo di e barku. E resultadonan lo ta konosí pa mas tardá djarason.

Entre otro e organisashon di salubridat Pan-Amerikano lo disidí te ki dia pasaheronan i tripulante di Freewinds mester permanesé a bordo di e barku.