Kingstown- 5 pais den e region Karibense resientemente a adoptá e asina yamá “Antigua and Barbuda Declaration on School Safety” durante di un foro ministerial di dos dia riba 29 i 30 aprel na St. Vincent and the Grenadines.

E sinku paisnan ta: Curacao, Grenada, Jamaica, Sint Maarten i Suriname kaminda nan a palabrá ku nan ta duna atenshon na e “Caribbean Safe School Initiative” i adoptá e “Antigua and Barbuda Declaration on School Safety” during the 2nd Caribbean Safe School Ministerial Forum. Diferente pais den Karibe a uni riba invitashon di e Minister di “Education, National Reconciliation, Ecclesiastical Affairs and Information” di St. Vincent, Sr. Claire Prince.

Na 2017, a tuma lugá e promé foro ministerial na Antigua i Barbuda, kaminda Kòrsou tabata ousente i 12 pais ya a adoptá e Deklarashon di Seguridat pa Skol. Durante e di dos foro resientemente, dies minister enkargá ku edukashon, ofisialnan den edukashon i alabes “disaster management stakeholders”, partnernan regional i internashonal a partisipá den diskushonnan tékniko pa garantisá seguridat na skolnan kaminda ta bai aktualisá e plan di ehekushon “Regional RoadMap for School Safety”. Den e di dos foro a inkluí alabes partisipashon di diferente hóben.

Na konklushon di e foro Sint Maarten a anunsiá ku e ta tuma enkargo di e di tres foro na 2021: the 3rd Caribbean Safe School Ministerial Forum in 2021 i British Virgin Islands (BVI) ta tuma enkargo na e di kuater foro: 4th Forum in 2023.