Detenshon di un sospechoso en konekshon ku tiramentu ku herido.
KOMUNIKADO DI PRENSA
204 / 2019
27 mei 2019
Detenshon di un sospechoso en konekshon ku tiramentu ku herido.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Relashoná ku kaso di tiramentu ku herido ku tuma lugá dia 26 di mei 2019 den oranan di
atardi den Kaya Hubert “Ibi” Schoop, polis a detené un hòmber.
Tabata rònt di 6’or di atardi ku Sentral di Polis a risibí informashon di e kaso di tiramentu
aki.
Na yegada di e promé unidat, el a bin topa un hòmber drumi abou ku herida di bala na
altura di su pechu robes.
Mesora a pidi presensia di ambulans ku a transportá e víktima pa poliklínika.
For di investigashon a sali na kla ku dos bisiña lo tabatin problema ku otro tokante di un
trabou di konstrukshon, ku a bin terminá den e tiramentu aki.
Despues di su akto, e sospechoso a bandoná e sitio.
Djaluna 27 di mei 2019, alrededor di 13.20’or, a detené e hòmber sospechoso, E.J.R. nasé
na Kòrsou di 20 aña di edat.
Detenshon di e sospechoso aki a tuma lugá na warda di reshèrshi kaminda e sospechoso a
bin entregá su mes.
A presenté dilanti di un Fiskal Ouksiliar ku a ordená su enkarselamentu pendiente di mas
investigashon.
