Detenshon pa intento di ladronisia.

KOMUNIKADO DI PRENSA
205 / 2019
28 mei 2019
Detenshon pa intento di ladronisia.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Kontinuando ku un investigashon relashoná ku intento di ladronisia bou di kondishon pisá
pa saka sèn for di un bankomátiko dia 23 di mei 2018, polis a detené dos hòmber
sospechoso.
Djamars 28 di mei 2019, alrededor di 05.07’or di mainta, Polis konhuntamente ku personal
di RST a detené na Sittardstraat e sospechoso R.J.R. nasé na Kòrsou di 32 aña di edat.
Mesora a hasi un investigashon den e kas na Sittardstraat i a haña i konfiská artikulonan ku
ta di importansia pe investigashon. Alrededor di 09.30’or, riba Kaya na Soeur Gerardaweg
Polis konhuntamente personal di RST a detené e di dos hòmber sospechoso D.M.D.K. nasé
na Kòrsou di 36 aña di edat. Seguidamente a tene entrada hudisial den un kas na
Arikokweg i a haña i konfiská artikulonan ku ta di importansia pe investigashon.
A presentá ámbos sospechoso dilanti di un Fiskal Ouksiliar ku a ordená nan enkarselamentu
pendiente di mas investigashon.