Kon a para ku rekomendashonnan di e Rapòrtnan di Seguridat den Tráfiko i e Komishon Belasting di Vehíkulo?

Kon a para ku rekomendashonnan di e Rapòrtnan di Seguridat den Tráfiko i e Komishon Belasting di Vehíkulo?

Seguridat pa nos tur den tráfiko riba nos kayanan/kamindanan sigur ta  importante! P’esei durante e reunion di Komishon Sentral di Parlamento di Kòrsou di dia 3 yüni 2019, parlamentario Curtley Obispo a indiká ku Kontrolaria General di Kòrsou a hasi un investigashon pa loke ta trata seguridat den tráfiko durante e periodo di òktober 2011 te ku sèptèmber 2012. Kontrolaria General di Kòrsou den su 2 rapòrtnan ku fecha di 11 desèmber 2013 a duna e Gobièrnu di e tempu ei, un total di  5 rekomendashon a base di e promé rapòrt i tambe 14 rekomendashon a base di e di dos rapòrt. A base di e 2 rapòrtnan aki, parlamentario Curtley Obispo a puntra Minister di Tráfiko, Transporte i Planifikashon Urbano, señora Zita Jesus Leito, e siguiente preguntanan: (1) Kua di e 19 rekomendashon nan, Gobièrnu nan anterior a implementá promé ku 29 mei 2017? Dikon si a logra implementá? Dikon no a logra implementá?, (2) Pa rekomendashonnan ku no a wòrdu implementá, Gobièrnu aktual ta hasiendo e “follow up” nesesario riba e rekomendashonnan  kual no a implementá promé ku 29 mei 2017?

Tambe na aña 2011 a pasa un dekreto nashonal ku fecha 16 sèptèmber 2011 numerá 11/2282 pa instalá un Komishon Belasting di Vehíkulo. Pa asina por adaptá e belasting di vehíkulo entrante 1 yanüari 2013. A base di e firma di e dekreto nashonal aki dor di e eks Minister di Tráfiko, Transporte i Planifikashon Urbano, parlamentario Curtley Obispo a hasi e siguiente preguntanan: (1) Kon a para ku e dekreto nashonal aki?, (2) Kua tabata resultadonan konkreto di e trabou di e komishon aki?. Petishon pa risibí e rapòrtnan i rekomendashonnan di e Komishon Belasting di Vehíkulo, (3) A logra ku e impuesto di vehíkulo tabata “kostendekkend”, manera indiká den e dekreto nashonal?.

 

This site uses Akismet to reduce spam. Learn how your comment data is processed.

%d bloggers like this: