GOBIÈRNU TA FELISITÁ TIM KULINARIO KU LOGRONAN

GOBIÈRNU TA FELISITÁ TIM KULINARIO KU LOGRONAN

Kralendijk – Gobièrnu  di Boneiru ta felisitá e tim kulinario ku un biaha mas a halsa nòmber di nos dushi isla ganando kasi tur premio den un kompetensia na Miami resientemente.

E forma úniko i outéntiko ku nan ta presentá nan produktonan den e kompetensianan sigur ta duna e toka di superioridat riba otro partisipantenan.

Manera ta di komprondé den kada piesa ku ta kompetí kuné, ta inkorporá algu ku ta identifiká nos dushi Boneiru.

Nos por ta orguyoso di e tim kulinario ku kada bes di nobo ta saka kara di Boneiru.

Den mayoria kaso un òf mas miembro di Kolegio Ehekutivo ta bai aeropuerto pa risibí nos baluartenan na momentu ku nan destaká den kualke kompetensia den eksterior. Sinembargo e biaha aki pa motibunan di otro kompromiso nos mandatarionan no por ta presente na yegada di e delegashon.

Den kasonan asina Kolegio Ehekutivo riba un otro fecha ta invitá hinter e delegashon na ofisina prinsipal di gobièrnu den kua okashon ta duna kada un di e baluartenan e rekonosimentu meresí.

Un biaha mas pabien.