Detenshon pa violashon di lei di arma di kandela.
KOMUNIKADO DI PRENSA
257 / 2019
28 yüni 2019
Detenshon pa violashon di lei di arma di kandela.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djabièrnè 28 di yüni 2019, alrededor di 13.12’or, Sentral di Polis a haña notifikashon ku na
Seru Domi tin algun hòmber den un vehíkulo blanku ku tabata lòs tiru for di un arma di
kandela. Un unidat ku tabata bai den direkshon kaminda sentral a indiká ku tin tiramentu, a
señala e vehíkulo ku sentral a deskribí, pará den kurá di un kas. Polis a mira dos hòmber
pará na e vehíkulo i mesora a para i a hasi un investigashon den e vehíkulo i tambe riba e
dos hòmbernan. Den e vehíkulo polis a haña i konfiská:
Un revolver kaliber 38 speshal ku 5 bala;
Un pistol Beretta kaliber 9mm ku 15 bala.
Mesora a detené e hòmbernan:
D.C.J. nasé na Kòrsou di 22 aña di edat;
Y.V.A.G. nasé na Hulanda di 21 aña di edat.
Relashoná ku esaki personal di Divishon di Krímen Organisá a tene entrada hudisial den un
kas na Kaya Pedro Wacao. Durante investigashon den e kas polis a haña i konfiská:
Dos kaha di bala kaliber 9 mm;
Un lachi di un kaha di plaka probablemente prosedente di atrako.
Na e kas a detené e hòmber G.I.E.S., nasé na Kòrsou, di 21 aña di edat.
Na e sitio kaminda e tiramentu a tuma lugá polis a haña 10 huls benta abou i a konfiská nan
pa mas investigashon.
A presentá tur tres sospechoso dilanti di un Fiskal Ouksiliar ku a ordená nan
enkarselamentu pendiente di mas investigashon.
