DEPARTAMENTU DI ARBITRAHE KU TREMENDO KURSO DI ARBITRAHE! INISIO DI E KURSO LO TA 5 YÜLI 2019!

DEPARTAMENTU DI ARBITRAHE KU TREMENDO KURSO DI ARBITRAHE!

INISIO DI E KURSO LO TA 5 YÜLI 2019!

 

Departamentu di arbitrahe di FFK ta bai organisá su promé kurso di arbitrahe pa e aña aki. Despues di e otro kursonan básiko di añanan anterior ku a resultá di ta un éksito, awor ta bai organisá e promé kurso básiko pa tur hende muhé i hòmber di 15 aña òf mas, pa dirigí entre otro weganan di kampionato hubenil ku ta e kategorianan di U-11 te ku U-20, kampionato di dama i tambe partidonan di Liga MCB Terser Divishon. 

 

Departamentu di arbitrahe ta enkurashá spesialmente nos hende muhénan pa partisipá na e kurso aki debí ku no tin asina tantu hende muhé ku ta arbitro. FIFA ta stipulá ku partidonan di dama mester keda dirihí pa rèfrinan femenino. Pues un yamada ta bai na tur dama pa bin duna un man i amplia nos kuerpo di arbitrahe.

E kurso lo inisiá djabièrnè, 5 di yüli 2019 próksimo di 7or pa 9:15 pm i lo finalisá djamars 23 yüli 2019 ku un èksamen di 7-9pm.
E kurso aki lo tuma lugá na FFK i e fecha ku orarionan ta lo siguiente: 

 

• Djamars di 6-8pm (9, 16 i 23 di yüli)
• Djaweps di 6-8pm (11 i 18 di yüli)
• Djabièrnè di 7-10pm (5, 12 i 19 di yüli)
• Djasabra di 9am-5pm (13 i 20 di yüli)

 

Ora kompletá e kurso ku éksito, lo risibí un sèrtifikado i lo tin un periodo di ‘stage’ ku durashon di un aña promé ku risibí e diploma. 

 
Pa inskripshon por tuma kontakto ku departamentu di arbitrahe na referee@ffk.cw òf via di telefòn nan 7365057, 5112915, 5128617, 5202587. Inskripshon ta kosta fl.10 i e kurso mes ta grátis, tur material di e kurso ta inkluí. Por inskribí te ku dia 5 di yüli 2019.

Pa abo ku ta un hóben dinámiko ku outoridat i ku ambishon pa bira rèfri, esaki ta bo oportunidat!

Inskribí awe mes, departamentu di arbitrahe i FFK ta warda bo!

 

3 yüli 2019