Ray Lauffer i Djuric Virginie ta dos super hérue artista

Ray Lauffer i Djuric Virginie ta dos super hérue artista!

WILLEMSTAD:- Djadumingu último a tuma lugá e Superhero Mall Run na Sambil i muchanan a disfrutá inmensamente. Alrededor di 200 mucha a partisipá na e evento ku a resultá super eksitoso. Entre e superhéruenan tambe tabata tei, dos super artista ku a duna un man pa hasi e muchanan èkstra kontentu. Ray Lauffer di GENTZ i Djuric Virginie di ICONS a demostrá di ta dos super artista i a kontribuí boluntariamente na e Superhero Mall Run organisá pa Ronald McDonald House Charities (RMHC). Ray (Batman) i DjuDjuV (Superman) a kompartí ratunan masha alegre ku e muchanan. Ámbos artista ta gradisí e fundashon RMHC pa e invitashon. Tur e fondonan rekoudá durante di e Superhero Mall Run lo benefisiá RMHC ku por medio di su programanan ta yuda  i duna sosten na nos muchanan i nan famia ora ku nan ta pasando den tempu difísil di enfermedat di nan yu.