Luigina Marti ta gana título di “Ms Earth Warrior” na Las Vegas.
Luigina Marti ta gana título di “Ms Earth Warrior” na Las Vegas.
Dia 9 yüli último Luigina Marti a sali pa Las Vegas pa bai representá Kòrsou den un di e sertámen nan pa señora di mas grandi ku ta eksistí. Luigina a wòrdu mandá dor di e organisashon Marvelous Production di sra. Marvelin Hous i Luigina a kompetí kontra di un kantidat grandi di dama ku tambe a bini ku e mesun meta.
Despues di un siman intensivo ku hopi aktividat, training, sekshon di potrèt, grabashon di video i kompetensia, Luigina Marti a logra bai ku e título di “Ms Earth Warrior 2019”.
Nos ta sumamente orguyoso di e bon trabou ku Luigina a hasi na Las Vegas i e impakto ku sigur e la kousa for di e promé dia. Pabien Luigina i sigui ku e bon trabou.
