CCR Investment ta firma promé Cooling Service Agreement ku Zakito District Cooling

CCR Investment ta firma promé Cooling Service Agreement ku Zakito District Cooling

CCR Investment ta firma Cooling Service Agreement ku Zakito District Cooling
“Zakito District Cooling, un desishon fásil”
CCR Investment (propietario di e edifisio Curaçao Caribbean Resort, antes Hilton) ta e promé
ku ta firma e Cooling Service Agreement ku Zakito District Cooling. Zakito District Cooling ta
ofresé cooling na tur edifisio entre Rif i Piscadera ku ta adekuá i ku básikamente ta wòrdu friá
sentralmente; manera World Trade Center Curaçao, Residence Piscadera, Renaissance i Hospital Nobo.
Rolf Sprecher (director di CCR Investment): “Zakito District Cooling tabata un desishon fásil pa nos. E echo ku no tin kosto di invershon pa nos pa por konektá na e sistema, lo trese benefisionan inmediato.
Aparte ku e sistema ta respetá nos medio ambiente, tambe e ta bon pa negoshi. Pa nos plannan di futuro
pa loke ta trata ekspanshon di mas o menos 300 kamber tambe nos lo purba usa e sistema aki. E kantidat
di cooling ta mas o menos 70-80% di nos konsumo total di energía.
E sistema di Zakito District Cooling ta ofresé nos e posibilidat di realisá e cooling na un preis
abou i premirabel pa un término di 15 aña. Pues, e sistema ta sòru ku nos trabounan ta
menos vulnerabel na e kosto di energía ku semper ta kambia. Spesialmente pa negoshinan
ku tin ganashi abou, e kambionan den kosto di energía por forma un risiko grandi pa loke ta
trata ganashi den término largu.
Ademas, e sistema lo yuda e isla pa “go green” mas lihé, kual tin un gran balor di marketing
pa e industria di hotèl pero tambe pa Kòrsou en general. Pa kasi 15 aña kaba nos ta sigi den
forma aktivo e desaroyo di teknología i nos tin tur konfiansa ku Zakito District Cooling lo
realisá e proyekto ku éksito.”
Ora usa pòrnada Naturally Cool TM, ku ta awa friu di laman hundu, e sistema di Zakito
District Cooling por fria edifisionan ku solamente 10% di energía, si kompará ku e sistema di
erko ku tin aktualmente. Pa nos medio ambiente, e sistema aki ta redusí 90% di salida di
CO2 i 100% di uso di otro medionan ku ta fria i ku ta dañino (ozone i HCFC). Si risibí tur
permit i kontraktnan definitivo ku klientenan restante, Zakito District Cooling lo kuminsá ku
konstrukshon den e di kuater trimèster di 2019.
Gilbert Gouverneur (direktor di Zakito District Cooling): “Nos sa ku awa di laman hundu ta un
di e fuentenan di energía mas konfiabel, mas stabil pa loke ta trata gastu i sostenibel ku tin na
mundu. Spesialmente pa islanan, awa di laman hundu tin un fuente balioso di kresementu.
Prinsipalmente ku proyectonan di awa di laman na gran eskala manera esaki, lo por ta
posibel pa ofresé sistema di cooling konfiabel (hurricane and tsunami proof), sostenibel i ku
kosto efektivo na klientenan. Tambe por desaroyá un spinoff potensial ku por ofresé berdura
i kuminda di laman pa e isla. Esaki por ta un pilar ekonómiko nobo pa Kòrsou.

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: