Digicel ta felisitá ganadónan di kampaña riba social media: Charelda Valerian i Isabella Sanchez tambe  lo partisipá na klínika di Real Madrid

Digicel ta felisitá ganadónan di kampaña riba social media:

Charelda Valerian i Isabella Sanchez tambe lo partisipá na klínika di Real Madrid

 

WILLEMSTAD:  Manera ta ampliamente konosí Digicel ta un di e patrosinadónan di e klínika di futbòl di Real Madrid na Kòrsou, Boneiru i Aruba. Resientemente Digicel a ofresé 2 kupo pa mucha muhénan entre 8 i 9 aña di edat tambe partisipá. Nan por a gana nan partisipashon via di e página di Facebook di Digicel.  “Nos ta konsiderá masha importante pa promové igualdat serka e muchanan. Tumando nota di e último mundial di futbòl femenino di FIFA, mundu henter ta di akuerdo ku e damanan a sobresalí di un manera spektakular.  Aki na Kòrsou tambe tin talento”, esaki di akuerdo ku Jorge Cuartas. Digicel ta masha kontentu pa anunsiá ku a selekshoná Charelda Valerian di 9 aña di edat i Isabella Sanchez di 8 aña di edat pa partisipá próksimamente na e klínikanan di futbòl di Real Madrid aki na Kòrsou.  Nan lo djòin otro 6 mucha muhé mas den e klínika. 

Digicel ta adoptá 25 hóben na Kòrsou. Pa e grupo aki, Digicel lo kubri tur e gastunan di partisipashon. Nan lo risibí unifòrm, tur artíkulo di e ekipo spañó i algun dia di téknika i konosementu for di un di e mihó klupnan di futbòl na mundu. Den transkurso di añanan Fundashon Real Madrid a organisá alrededor di 474 klínika di futbòl den 45 pais. Mas di 47,853 hóben a benefisiá di e programa aki. E aña aki ta promé biaha ku ta organisá esaki riba islanan ABC. Na Kòrsou e klínika ta wòrdu organisá dor di organisashon di futbòl lokal Vesta di Sta. Maria, konhuntamente ku Real Madrid. Na final di e klínika lokal 2 mucha/hóben, huntu ku nan coach lo biaha pa Spaña i einan partisipá na un klínika di Real Madrid.  Sigui tur desaroyo riba e página di Facebook di Digicel www.facebook.com/DigicelCuracao  p’abo tambe sinti e pashon di futbòl!

This site uses Akismet to reduce spam. Learn how your comment data is processed.

%d bloggers like this: