KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Renaissance Curaçao Resort & Casino a hasi opsekio na Academy Hotel Curaçao

Renaissance Curaçao Resort & Casino a hasi opsekio na Academy Hotel Curaçao

 

WILLEMSTAD –   Resientemente Renaissance Curaçao Resort & Casino, komo parti Wind Creek Hosptality a hasi un gesto na Academy Hotel Curaçao.  Manera tur hende sá, e aña aki Renaissance Curaçao Resort ta selebrando su 10 aniversario, i den luna di aprel último a kuminsá un remodelashon ekstensivo.  E hotèl ta pertenesé na e kadena Wind Creek Hospitality i ta pone énfasis riba alsa servisio na un nivel ku por kompetí internashonalmente. Sabiendo importansia di kresementu di turismo pa nos isla i nesesidat pa desaroyá spesialmente nos hóbennan i mas hende lokal pa e sektor aki, Renaissance a opsekiá Academy Hotel Curaçao vários tipo di lampi, spil, skalchi pa habon, kuadronan, i algun produkto mas di manera ku e akademia por elevá eksperensia di e hóbennan ku ta den entrenamentu.  

 

 “Nos ta masha kontentu di por hasi e opsekio aki; nos sa ku remodelashon di un resort ta un invershon kuantioso i nos ta duna un man, na unda ku nos por, pa yuda kresementu di industria turístiko. Academy Hotel ta forma hopi hóben den sektor di hospitalidat, i filosofia di Wind Creek Hosptality ta pa aportá na e komunidat den kual e tin su operashonnan. Nos ta sostené e filosofia aki i ta pone akshon tras di palabra.  Di parti di nos tur na Renaissance Curaçao Resort & Casino nos ta deseá Academy Hotel hopi éksito.”, esaki di akuerdo ku sra. Maylin Trenidad, General Manager di Renaissance Curaçao Resort & Casino. Riba fotonan athunto un impreshon di e mainta masha ameno ku Renaissance Curaçao Resort & Casino i Academy Hotel Curaçao a kompartí. Hopi éksito!

 

Leave a Reply

This site uses Akismet to reduce spam. Learn how your comment data is processed.