Pronóstiko di tempu pa Kòrsou i bisindario bálido te djárason mainta 06:00 o.l, 28 di ougùstùs 2019.

Pronóstiko

Pronóstiko di tempu pa Kòrsou i bisindario bálido te djárason mainta 06:00 o.l, 28 di ougùstùs 2019.
Kompilá: djamars 27 di ougùstùs 2019, 05:00 o.l. (09:00 UTC)

Tempu: Shelu lo ta por lo general leve te parsialmente nublá. Sinembargo awe mainta tempran por desaroya un áwaseru di durashon kòrtiku riba sierto parti di e isla. Mas lat den dia wer lo keda seku i bastante kalor.

Temperatura máksimo lo alkansá 33 ºC, i temperatura mínimo di 28 ºC.
Solo ta sali 06:25 i ta baha 18:49 o.l.

Bientu: Durante awe bientu lo bai mengua i supla por lo general moderá for di un direkshon nortost; forsa 3 pa 4 ( 12 pa 29 km/ora, 7 pa 16 nudo). Djárason mainta bientu lo sigui mengua algu mas i lo bai supla for di un direkshon nortost i suak te moderá forsa 2 pa 3 (7 pa 19 km/ora, 4 te 10 nudo).

Situashon general: Aire basta seku lo sigui alkansa nos region durante proksimo dianan. Sinembargo awe mainta tempran un áwaseru leve por desaroyá. Mas lat den dia no ta spera muchu nubia signifikante riba nos region. Spera un tempu bastante kalor durante oranan di dia. E fluho di bientu lo bira gradualmente mas suak i kambia pa un direkshon mas ost-nortost djamars anochi.

Kondishon di laman: Moderá ku altura di olanan entre di 1 pa 2 meter (3 pa 6 pia). Lo bai tin resake for di nortost den transkurso di djárason mainta.

Sistemanan signifikante di wer tropikal: Tormenta Tropikal Dorian tabata situá awe mainta tempran riba e islanan ost di Caribe i lo kontinua poko poko den un direkshon wèst nortwèst. Dorian lo pasa djárason mainta na un distansia bastante grandi nort di nos isla i lo no ta ningun menasa pa Kòrsou òf e otro islanan den vesindario. No opstante ku e sistema tropikal aki no ta bira un menasa pa nos, departamentu Meteorológiko di Kòrsou, sinembargo lo sigui su desaroyo ku atenshon.
E di seis depreshon tropikal a formá djaluna anochi den Atlantiko nortwèst entre e kosta di Estados Unidos i e isla di Bermuda. Den kurso di proksimo dianan ta ferwagt ku e sistema aki lo por sigui desaroyá i bira un tormenta tropikal. E sistema aki lo no ta bai formá ningun menasa pa nos isla of otro islanan den Caribe.

Fenómeno spesial: Ningun.

Pèrspektiva te djaweps mainta: Por lo general leve nublá i tempu lo keda seku.

Meteorólogo: Statia

Day:	Djamars	Djárason	Djaweps	Djabièrnè	Djasabra
	parsialmente nublá	tiki nubia	tiki nubia	parsialmente nublá	tiki nubia
Rain probability:	0%	0%	0%	0%	0%
High:	33ºC / 91ºF	34ºC / 93ºF	33ºC / 91ºF	34ºC / 93ºF	33ºC / 91ºF
Low:	28ºC / 82ºF	28ºC / 82ºF	28ºC / 82ºF	28ºC / 82ºF	28ºC / 82ºF
Sunrise time:	06:25	06:25	06:25	06:25	06:25
Sunset time:	18:49	18:49	18:48	18:47	18:47
Wave heigth (meters):	1.5 – 2.0	0.5 – 1	0.5 – 1	1.5 – 2.0	1 – 1.5