Parlamentario Curtley Obispo: Enkuesta Parlamentario mester ta struktura a base di loke ta indiká den leinan di Pais Kòrsou.

Enkuesta Parlamentario mester ta struktura a base di loke ta indiká den leinan di Pais Kòrsou.

Parlamento di Kòrsou dia 11 sèptèmber 2019, den un reunion di Komishon Sentral a trata i tambe aprobá e proposishon pa stipulashon di un komishon temporal: “Tijdelijke commissie voorbereiding onderzoek Hospital Nobo Otrabanda (HNO)”. E desishon aki di Komishon Sentral tin ku bai awor un Reunion Públiko di Parlamento di Kòrsou pa asina haña aprobashon final i por instalá e komishon temporal, kual tin e tarea di formulá e proposishon pa un Enkuesta Parlamentario.

Segun parlamentario Curtley Obispo: ta trata di stipulá i yega na un komishon temporal di Parlamento di Kòrsou, kual tin e tarea di prepará i formulá un proposishon pa un Enkuesta Parlamentario pa loke ta trata konstrukshon i transishon di Hospital Nobo Otrabanda (HNO). Proposishon di Enkuesta Parlamentario, kual despues tin ku kana su trayektonan di aprobashon den Komishon Sentral i tambe Reunion Públiko di Parlamento di Kòrsou. Pues proposishon den kuadro i teniendo kuenta ku: (1) artíkulo 59 di Areglo di Estado di Kòrsou i su Memoria di Aklarashon, (2) E Lei di Enkuesta, e Landsverordening van de houdende regeling van recht van onderzoek (enquête) – Enqueteregeling i (3) artíkulonan 109 i 110 di Reglamento di Orden di Parlamento di Kòrsou.

Parlamentario Curtley Obispo durante e reunion a sigui mustra ku un proposishon por eskrito pa un Enkuesta Parlamentario, tambe mester ta struktura a base di e Lei di Enkuesta, kual ta bálido for di 10 òktober 2010. P’esei parlamentario Curtley Obispo a proponé pa e komishon temporal ku ta bai prepará e Enkuesta Parlamentario tene kuenta ku e siguiente puntonan. Parlamentario Curtley Obispo a proponé pa e proposishon di Enkuesta Parlamentario konsistí di e siguiente struktura di 9 artíkulonan: (1) Anunsio, Título i Subtitulo, (2) Historia di konstrukshon i transishon di HNO, (2) Definishon di e problema (“probleemstelling”) ku ta bai investigá pa medio di un Enkuesta Parlamentario, (4) E ophetivonan di e Enkuesta Parlamentario, (5) Preguntanan kardinal pa hasi durante e Enkuesta Parlamentario, (6) E proseso ku ta bai kana durante e Enkuesta Parlamentario, (7) Planifikashon i organisashon di e Enkuesta Parlamentario, (8) E komishon di enkargá ku e Enkuesta Parlamentario i (9) e presupuesto di Parlamento di Kòrsou pa ku e Enkuesta Parlamentario.

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: