NA MEMORIA DI SRA. VILMA LOURENS

NA MEMORIA DI SRA. VILMA LOURENS

 

Direktiva di AMAK a tuma nota di fayesimentu di Sra. Vilma Lourens, fanátiko Nr. 1 di Festival di Tumba di Kòrsou.

Vilma durante su vida. Tabata fiel na Festival di Tumba, bishitando tur Festival di Tumba te ku aña 2019.

Semper Sra. Vilma tabata entre e promé nan ku ta yega na e lokal kaminda e Festival di Tumba ta tuma lugá i Semper e tabata bini pa gosa, baila e festival.

Tambe ta bon pa menshoná ku dia di Inskripshon tambe Sra. Vilma tabata hasi akto di presencia i tabata kombersá ku tur hende i medionan di komunikashon. Tur hende por a nota su pashon pa ku e evento musikal aki.

Na okashon di 45 edishon di Festival di Tumba, AMAK a honra Vilma komo fanátiko nr. 1 di Festival di Tumba.

Durante e próksimo selebrashon, esta e di 50 edishon di Festival di Tumba, Sra. Vilma lo hasi falta sigur, pero nos ta sigur ku spiritualmente, Sra. Vilma lo tei presente, pasombra e ku Festival di Tumba a forma un pareha inseparabel.

Ku todo poderoso dun’é un lugá meresidamente den su Reino i ku su alma sosegá na pas. Sra. Vilma te despues

Direktiva di AMAK

30-09-2019