Detenshon en konekshon ku ladronisia, destrukshon i maltrato.

KOMUNIKADO DI PRENSA 399 / 2019
4 òktober 2019
Detenshon en konekshon ku ladronisia, destrukshon i maltrato.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djabièrnè 4 di òktober 2019 alrededor di 10.17 or, un unidat di e Tim di Mantenshon di
Òrdu Públiko ku tabata patruya riba Blanquillaweg, a señalá un hòmber sospechoso den un
vehíkulo kòrá, pa kual tin un petishon di búskeda i aresto.
Mesora e unidat a duna e hòmber òrdu pa para. E sospechoso no a duna oido na esaki i a
sigui ku su huida.
Polis a lòs tiru di advertensia i a start ku un persiguishon den e área di Buena Vista. Durante
di su huida e shofùr a aksidentá kontra di un di e outonan di polis.
Alrededor di 10.25 or, riba e krusada Haitiweg/Bahamasweg e unidat a logra di detené e
sospechoso T.R.G.H.J., di 21 aña di edat nase na Kòrsou, en konekshon ku ladronisia,
destrukshon i maltrato, ku el a kometé den luna di sèptèmber último.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon