Outobiografia/CV literario di Lucky Pop (outor)

Outobiografia/CV literario di Lucky Pop (outor)

Lucrecia Victoria Pop a nase na Boneiru; yu di Graciano Erasmus Pop i Carme Isidora Koffie. E tabata e di 9 yu di e pareha, kende nan tabatin 12 yu. 8 yu muhe i 4 homber. 

For di un edat relativamente yòn ya Lucky tabata sa ku e kier a bira un artista, pero e no por a define si ki tipo di artista. Prome talento ku Lucky a desaroya tabata esun di pintamentu kaba pa diseña trahenan i skirbi kaligrafi.  Dor ku Lucky tabata gusta lesa buki na un dado momentu e la kuminsa ripara na skol ku e ta bon den skirbi teksto. Asina e skirbimentu di poema tambe a desaroya su mes huntu ku e arte di skirbi letranan bunita (kalligrafie). 

Den añanan ’70 –’80 Lucky a skirbi speech pa teenernan i e mes ku a bai partisipa na Miss Teenage, Reina di Karnaval i otro kompetensianan di beyesa. Na momentu ku un kandidata tabata mas bunita ora Lucky tira su speech e tabata surpasa tur beyesa fisiko i gana titulo. 

Den añanan ’80 – ’90 e skibimentu a baha, pa bini bèk ku inspirashonnan grandi den komienso di añanan ’90. Tabata na ’93 ku Bibliotheka Publiko di Kòrsou e tempu ey a hasi un yamada pa skirbi un poema ku e topiko ‘anochi’ pa festival di buki i pelikula pa mucha. Lucky a skirbi e poema ku intenshon pa mande pero esaki no a sosode. E siguienta aña Biblioteka di Boneiru tabata hasi preparashonnan pa festival di buki i pelikula pa mucha ora Lucky a aserka nan ku e poema pa nan por a hasi uso di dje. Tabata sra Jeanine Wo-loi-sing ku e tempu ey tabata hefe na Biblioteka ku a bisa Lucky ku nan ke pa e mes deklama su poema. Asina a sosode i for di e tempu ey inspirashon a keda drenta na un forma inkreibel ku a resulta den e promé tomo di poema di Lucky Pop na 1996 bou di e titulo : De kleur van ‘t bloed (hulandes); sigui pa ‘Mi amigu’ na 1998 (Papiamentu). Na desèmber 2014 e di 3 toma ‘Als je ogen maar stralen/Basta bo wowonan ta bria’ (Papiamentu i Hulandes) ta sali.

1993– 2008:

  • Programa na Ritmo FM, kaminda e ta trese su poemanan den kombinashon ku musika
  • Presentashonnan na Hulanda na diferente aktividat literario; entre otro pa Taalgenootschap di Vlaardingen huntu ku artistana di diferente pais rònt mundu.
  • Hurado pa kompetensianan di poema I kuenta kortiku, na Boneiru i Hulanda.
  • Programa na radio na Den Haag kaminda e tabata deklama su poemanan i papia di e arte di palabra.
  • Komo outor e la partisipa na e kurso ku tabata un proyekto di Munisipio di Den Haag den kombinashon ku Haagsche Hogeschool pa ta un lider di workshop den skirbimentu di poema sèrtifika.

2005 – 2015:

  • Trainer di hobennan pa Arte di palabra; Bou di su guia Boneiru ta gana e prome premio den e kategoria  Kuenta kortiku’ den ‘Arte di Palabra ‘ na Korsou.
  • Hurado pa letra na diferente okashon durante Festival di Tumba.
  • Hurado pa letra na diferente okashon pa Festival  ‘Ban kanta nos Boneiru’.
  • Outor di diferente tekstonan pa destinashon publiko.
  • Outor di diferente teksto pa metanan priva.
  • Outor di teksto pa kampaña di konsientisashon di hobennan na instituto di enseñansa sekundario.
  • Pa 8 aña konsekutivo (2007 – 2014) Lucky Pop tabata presenta tur programa live (elekshonnan di Reinanan, Prens I Pancho, Marcha grandi, di mucha i di depedida, durante e periodo di Karnaval pa Bos di Boneiru.

Na november 2015 SKAL, departamentu di kultura, Arte i literatura, di Gobiernu di Boneiru ta entrega Lucky Pop un rekonosimentu pa a sobresali riba tereno literario.

  • Aktualmente trahando komo dosente di hulandes na skol vsbo, skirbiendo su outobiografia i trahando riba otro obranan.

This site uses Akismet to reduce spam. Learn how your comment data is processed.

error: Content is protected !!
%d bloggers like this: