Lusnan di tráfiko na Abraham de Veerstraat ta for di servisio

Willemstad- Servisio pa Obranan Públiko (OW) ta informá ku pa motibunan tékniko e lusnan di tráfiko na Abraham de Veerstraat ta for di servisio pa tempu indefiní.

Segun e kompania ku ta supervisá e lusnan, e “printboord” di e outomat a daña. E kompania ta hasiendo e trámitenan nesesario pa remplasá e “printboord” daña, di forma ku e lus di tráfiko na Abraham de Veerstraat por funshoná bek.

Mientrastantu e lusnan ta for di servisio i Servisio pa Obra Públiko ta pidi outomobilistanan pa tene bon kuenta ku esaki i kore kou koutela.