Selikor ta regalá Albert Schweitzer VSBO mata di Tabebuia, den kuadro di siman di medioambiente

Selikor ta regalá Albert Schweitzer VSBO mata di Tabebuia, den kuadro di siman di medioambiente

Pa klousurá e siman di medioambiente 2019 Selikor NV a planta un palu di Tabebuia na Albert Schweitzer VSBO na Parera. A planta e palu akí pa di un manera simbóliko stimulá nos hóbennan pa stima nos medioambiente i yuda protehá esaki.

 

Manera ta konosí e di tres siman di luna di òktober ta siman di medioambiente  aki na Kòrsou. Un di e inisiadónan di e siman di medioambiente tabata sra. Gladys van Dal Mc Kenzie, den felis memoria. Gladys ta bon konosí den e mundu di medoambientalistanan komo un di e defensornan prinsipal di nos medioambiente lokal. Na bida, tur aña Gladys tabata planta un òf mas palu na diferente instansia i asina demostrá su amor pa Kòrsou su medioambiente. 

 

E aña akí e siman di medioambiente a kore di 14 pa 18 di òktober i pa klousurá e siman Selikor NV a duna honor póstumo na Gladys plantando un palu di Tabebuia na Albert Schweitzer VSBO. Loke ta hasi e gesto akí asina bunita ta ku e plantamentu a sosodé eksaktamente riba 18 di òktober ku ta fecha natal di Gladys, kende lo a kumpli 90 aña si e tabata na bida.

 

Den kompania di algun miembro di famia i representantenan di Albert Schweitzer VSBO a panta e Tabebuia ku ta un palu famia di Kibrahacha. Pa Selikor e karakterístikanan di kibrahacha tin hopi similaridat ku e personahe di Gladys i pa e motibu akí a skohe e Tabebuia pa regalá e skol.

 

Selikor NV ta spera ku mas organisashon por sigui e ehèmpel akí i duna un kontribushon na kuido di nos medioambiente.

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: