Parlamentario Curtley Obispo: Ta bai hasi sigur 5 aña ku Presupuesto di Pais Kòrsou no ta kompletu pa loke ta trata e konstrukshon i transishon di Hospital Nobo Otrabanda (HNO)

Ta bai hasi sigur 5 aña ku Presupuesto di Pais Kòrsou no ta kompletu pa loke ta trata e konstrukshon i transishon di Hospital Nobo Otrabanda (HNO)

Parlamentario Curtley Obispo a para ketu na un hecho durante e di 4 dia di tratamentu di Presupuesto 2020 di Pais Kòrsou, pa loke ta trata e kapítulo di Ministerio di Salubridat, Medio Ambiente i Naturalesa.  El a mustra a base di hechos ku 19 novèmber 2019 sigur ta bai hasi 5 aña sigui ku tin un Presupuesto di Pais Kòrsou ku no ta kompletu (“onvolledig”) pa loke trata e konstrukshon i tambe transishon di Hospital Nobo Otrabanda (HNO). Un Presupuesto di Pais Kòrsou ku no ta kompletu pa un total di 445.3 mion florin, ku aprobashon di e Parlamento di Kòrsou dia 21 òktober 2014 i tambe e Gobièrnu di Kòrsou ku e publikashon riba 19 novèmber 2014 di e Lei di e promé Presupuesto Supletorio 2014 (PB 2014 no. 101). Ku otro palabra ta for di riba dia di 19 novèmber 2014, tin pa kasi 5 aña kaba, un Presupuesto pa konstrukshon i transishon di HNO inkompletu pa 445.3 mion florin i ku un fiansa di Pais Kòrsou pa 436.1 mion florin. Ta e sifranan aki tin ketu bai riba mesa durante e siman di 21 òktober 2019 pa loke ta tratamentu di Presupuesto 2020 di Pais Kòrsou den Komishon Sentral di Parlamento di Kòrsou. 

A base di esaki parlamentario Curtley Obispo a hasi e siguiente preguntanan na Minister di Salubridat, Medio Ambiente i Naturalesa, señora Suzanne Camelia- Romer: (1) a base di e echo aki Minister ketu bai ta sostené 100% un Enkuesta Parlamentario?; (2) den kua presupuesto ta bai atendé e 104.7 mion florin di HNO kual Kolegio di Supervishon Finansiero Kòrsou Sint Maarten (CFT) ta indiká? Aña 2019 òf 2020?; (3) den kuadro di artíkulo 85 insiso 2 di nos Areglo di Estado di Kòrsou, e pregunta ta bira kon ta bai atendé ku e 96.3 mion florin di HNO ku Kolegio di Supervishon Finansiero Kòrsou Sint Maarten (CFT) a indiká? Den kua Presupuesto ta bai atendé esaki? Aña 2019 òf 2020?

 

This site uses Akismet to reduce spam. Learn how your comment data is processed.

%d bloggers like this: