Pronóstiko di tempu pa Kòrsou i bisindario bálido te djaluna mainta 06:00 o.l, 28 di òktober 2019.

Pronóstiko

Pronóstiko di tempu pa Kòrsou i bisindario bálido te djaluna mainta 06:00 o.l, 28 di òktober 2019.
Kompilá: djadumingu 27 di òktober 2019, 05:00 o.l. (09:00 UTC).

Tempu: Leve te parsialmente nublá i generalmente seku.

Temperatura máksimo lo alkansá 33 ºC, i temperatura mínimo di 27 ºC.
Solo ta sali 06:27 i ta baha 18:12 o.l.

Bientu: For di direkshon generalmente ost i moderá te basta fuerte; forsa 3 pa 5 (12 pa 39 km/ora, 7 pa 21 nudo). Ráfaga de bes en kuando fuerte; forsa 6 (40 pa 50 km/ora, 22 pa 27 nudo).

Situashon general: Durante próksimo dianan un ekstenshon di un área di preshon haltu lo stroba desaroyo di nubianan signifikante riba nos region. Pa e motibu aki un wer generalmente seku lo prevalesé riba nos isla. Di otro un banda, resake lo drenta área di Karibe mañan i lo yega kosta nort di Kòrsou pa djaluna.

Kondishon di laman: Moderá ku altura di ola entre 1 pa 1.5 meter (3 te 5 pia).

Sistemanan signifikante di wer tropikal: Tormenta Tropikal Pablo ta situá riba Atlántiko serka di islanan Azores. E sistema aki ta move den un direkshon nortost. Pablo lo no forma un menasa pa Kòrsou.

Fenómeno spesial: Ningun.

Perspektiva te djamars mainta: Parsialmente nublá i seku. Ta antisipá laman brutu na kosta nort di Kòrsou pa motibu di resake.

Meteorólogo: Abraham.