Detenshon di un sospechoso pa komplisidat.

KOMUNIKADO DI PRENSA 451/2019
29 òktober 2019
Detenshon di un sospechoso pa komplisidat.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Kontinuando ku e investigashon relashoná ku e kaso di kandela na Departamento di
Impuesto, reshèrshinan di VVC a detené un sospechoso mas.
Djamars 29 di òktober 2019 alrededor di 09.20’or, reshèrshi riba òrdu di Ministerio
Públiko a bai na un establesimentu riba Weg naar Welgelegen i a hasi detenshon di e
hòmber sospechoso J.R.R.M. nasé na Venezuela di 32 aña di edat, komo kómplise
den e kaso ariba menshoná.
A presentá e sospechoso J.R.R.M., dilanti un Fiskal Ouksiliar ku a ordená su
enkarselamentu pendiente di mas investigashon.
Durante di detenshon di e sospechoso, polis a detené un dama i un hòmber ku
tabata stroba polis di ehersé nan trabou. Despues di interogashon e dos personanan
aki a rekobrá nan libertat.
Investigashon den kaso aki ta kontinuá.