Prome Minister Evelyn Wever-Croes: PROME REUNION DI CONSEHO DI MINISTER NA SAN NICOLAS

Prome Minister Evelyn Wever-Croes:

PROME REUNION DI CONSEHO DI MINISTER NA SAN NICOLAS

 

Diaranon mainta di 8or pa 12or, Conseho di Minister a tene un reunion extraoridinario na Nicolas Store na San Nicolas. Durante e reunion special aki, a atende cu temanan relaciona cu futuro di oportunidadnan, progreso y bienestar di San Nicolas. 

 

A reuni cu San Nicolas Business Association. A reuni tambe cu 5 diferente desaroyado cu ta desaroyando proyectonan den San Nicolas dunando nan e oportunidad pa trece nan sugerencianan dilanti di e manera cu Gobierno por yuda y stimula nan pa facilita nan pa nan cuminsa y finalisa nan proyecto mas pronto posibel. 

 

E proyectonan cu a wordo presenta e mainta aki ta varia entre restaurant, edificionan pa apartamento, tienda y industria, actividad di recreacion. Tur cu e promesa pa trece desaroyo economico nobo, grandi y hopi interesante pa San Nicolas.

 

“Esaki ta un reunion di Conseho di Minister historico. Gabinete Wever-Croes ta demustra cu echonan cu San Nicolas ta importante. Desaroyo na San Nicolas ta necesario y importante pa nos pais”, Prome Minister Evelyn Wever-Croes a duna di conoce.