Yegada Selekshon Softbol Femenino AA

Yegada Selekshon Softbol Femenino AA

Distinguido sr/sra,
Ku sumo plaser direktiva di Federashon di sòftbòl di Kòrsou ta ekstendé un
invitashon pa ta presente na yegada di nos Selekshon femenino AA for di
Ecuador djadumingu 3 november 2019.
Manera ja ta konosi Selekshon femenino AA a viaha pa Ecuador,Quayaquil pa
partisipa den e “XIV Campeonato SurAmericano” di 25 oktober pa 1 november.
Despues di a hunga un tremendo round robin i finalisa na prome luga, i tambe
gana nan prome wega di semifinal, ta pone ku ja nos a logra medaya di plata.
Mayan nos ta bai pa e viktoria, kompetiendo pa e medaya di oro.
Direktiva di CSB ta sumamente orguyoso di nos atletanan ku e logro aki, di
pone korsou despues di 16 aña bèk riba lista internashonal di sòfbòl i trese
medaya kas bek.
Nos no ke laga e logro aki pasa sin mas i lo organisa un bonbini speshal pa
nos atletanan.
E selekshon lo yega korsou 16.25‘or lo tin un bonbini speshal na airport.
Despues lo sigi den un parada pa veld di Buenavista. Na velt di Buenavista lo
tuma luga e parti offishal.
Nos lo apresiá sr/sra su presensia for di 16.00’or na Curacao International
Airport paden pa welcome nos atletanan i despues na veld di Buenavista pa e
parti offishal.
Nos ta konta ku bo presensia i ta despedí ku un saludo deportivo i fraternal.
Atentamente,
Na nòmber di direktiva di CSB

____________
Sra. Idellene Hanst
Sekretaria General