Un detenshon mas den kaso di kimamentu di Landsontvanger

KOMUNIKADO DI PRENSA 461 / 2019
1 novèmber 2019
Un detenshon mas den kaso di kimamentu di Landsontvanger
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Un detenshon mas den kaso di kimamentu di Landsontvanger
Riba 22 di ougùstùs, a sende e edifisio di Landsontvanger na kandela. Den e investigashon
enkuanto e insendio aki, na e momentu aki tin detené den aresto preventivo un venesolano
– pa sendementu di kandela – i un hòmber di nashonalidat haitiano – pa dunamentu di òrdu
pa sende e kandela-. KPC i Ministerio Públiko a konkluí tambe for di e investigashonnan ku
tin sospecho ku e kandela a wòrdu sendé dor di dos otro Venezolano i ku e òrdu pa sende
kandela a bini di un otro hòmber di nashonalidat hatiano.Ku sosten di outoridatnan polisial
(Interpol Kòrsou) ya a señala tur e tres sospechosonan ku ta fugitivo den eksterior. Esaki a
resultá entre tantu den un detenshon na Venezuela di un di esunnan ku a sende e kandela
riba dia 31 di òktober. Lo trata na trasladá i interogá e hòmber aki den e kaso. Lo kontinuá e
buskeda di e dos otro hòmbernan.
E siman aki a detené tambe un hòmber ku tabata envolví ku ladronisia di e outo ku a usa
durante di e kandela. A interogá e hòmber aki ampliamente i a lague bai awe. Si e ta keda
sospechoso den e investigashon. Polis ainda ta buskando e pikòp ku ta pèrtenesé na e
hatiano ku a hui: X 88-85. Segun informashonnan, e outo aki ta skondí na Bandabou. E outo
no ta di mèldu na ‘keuringslokaal’. Ta hasi un apelashon na siudadanonan pa bin mèldu e
outo na polis. Si hasi esaki na e momentunan aki, lo no ta kastigu mará na esaki. Dado kaso
topa ku e outo aki na un otro momentu den un kurá òf na un kas, polis lo detené e
personanan na e bibienda enkuestion. Ta hasi un yamada na tur siudadano ku tin mas
informashon tokante sendementu di e kandela aki, pa mèldu esaki na polis riba 917 òf
number anónimo 108.
Recente foto van de pick-up van de Haïtiaan
Potret resiente di e pikòp di e Haitiano