Enchi Alberto a keda asesiná den Rotterdam-Zuid Hulanda

Enchi Alberto (30) a keda asesiná djarason anochi alrededor di 10or na Putsebocht den Rotterdam-Zuid Hulanda. Enchi tabata sintá den un Opel Astra kolor shinichi na momentu ku e tiroteo a tuma lugá. Personal di promé asistensia ku a presentá na e sitio a enkontrá Enchi serio heridá riba kaminda, banda di e vehikulo. Nan a trata di reanim’é pero no a logra skapa su bida. Investigashon ta andando pa sa ta kiko a tuma lugá presisamente i pa kua motibu. Testigunan a deklará di un hòmber ku tabata bistí na paña kolor skur ku a kore bai djis despues di e insidente. Agentenan polisial a detené un hòmber (33) di Rotterdam komo sospechoso den e kaso aki i su envolvimentu ta den investigashon.

Tambe nos di KIKO TA PASANDO tin ku extende nos mas sinsero palabranan di kondolensia na famia i spesialmente na Dayo StreaNobo ku a perde un amigu stima. Ku bo alma por sosega na Pas…….

 

 

Nos ta duna un tributo na Enchi Alberto ku e clip di Dayo StreaNobo “Mi stima bu 4Real”