KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

KOMUNIKADO DI KUERPO POLISIAL KÒRSOU Título: intento di ladronisia riba dos dama

header-notisia-di-polis

KOMUNIKADO DI KUERPO POLISIAL KÒRSOU
043 / 2017
13 febrüari 2017
Título: intento di ladronisia riba dos dama
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaluna 13 di febrüari 2017, alrededor di 5.25 or, Polis a dirigí un unidat na un hotèl den área di Otrobanda, pa intento di ladronisia ku violensia. For di un investigashon ku polis a realisá na e sitio, a resultá ku dos dama a keda sorprendé pa dos suheto ku arma di kandela, nèt na momentu ku nan a yega na e bibienda. E suhetonan aki bou di menasa ku arma di kandela a hinka nan paden di e apartamento, mara nan mannan i a kuminsá pidi pa un montante di sèn. Simultaniamente tabatin un òf mas sospechoso ku a logra dominá e bewaker i mesora nan a bai pa habri e porta di e kasino di e hotèl usando ekiponan ku nan tabatin den nan poder. Dado momento e alarma a aktivá i e hòmbernan a bai for di e sitio sin ku a logra ku nan intento. Atrako Tim ta kontinuá ku e investigashon.

Polis ta pidi kualkier persona ku por tin informashon tokante di e kaso aki pa pasa e informashon na polis, na e numbernan di telefòn 917 durante 24 ora òf 108 ku ta anónimo. Tambe por tuma kontakto ku Atrako Tim na e number 866-6141. Bo informashon ta yuda polis den su investigashon.

639114718427035"
639114718427035"