Parlamentario Hato ke pa re-introdusí mantenshon di kas i sponsership na organisashon deportivo komo aftrekpost.
Parlamentario Hato ke pa re-introdusí mantenshon di kas i sponsership na organisashon deportivo komo aftrekpost.
Nos ta yegando fin di aña i un di e bunita kustumbernan ku nos pueblo tin ta pa drecha i fèrf kas pa fin di aña. Den pasado bo por a dedusí e gastunan mara na esaki ora bo yena bo deklarashon di impuesto. Algun aña pasa a kambia nos leinan fiskal i a pone ku e gastunan aki no ta dedusibel mas. Na e momentunan aki kaminda kada depchi ta konta lo ta un alivio si bo sa ku si bo invirtié den mantenshon di bo kas alomenos bo por dedusí loke bo gasta for di impuesto ku bo tin ku paga . Un otro punto tambe ku tabata bon ku ántes tabata yuda prinsipalmente klupnan deportivo i organisashonnan sosial tabata ku si un kompania òf negoshi spònser e organisashon e por usa esaki komo aftrekpost pues dedusí loke el a yuda kuné for di impuesto ku e tin ku paga. Aktualmente hopi organisashon tin problema pa haña spònser for di dia ku a kambia e lei ku a pone ku sponsorship no por ser dedusí mas ora hasi deklarashon di impuesto.
Relashoná ku esaki sr Hato a hasi e siguiente preguntanan na Minister di Finansa:
- Minister di Finansa ta na altura di e dos puntonan di atenshonnan aki den nos komunidat?
- Minister por informá nos kon leu Minister ta pa loke ta trata e dos puntonan aki ?
- Minister por informá nos kuantu e gastunan enkonekshon ku mantenshon di kas ta dedusibel for di impuesto?
- Si t’asina e ta drenta na vigor kuminsando e aña aki; te ki montante máksimo por dedusí?
- Si no t’asina pa ki tempu nos por spera re-introdukshon di esaki ?
- Meskos nos ke puntra kon leu ta ku e parti ku ta trata dedukshon di sponsorship na ekipo òf organisashonnan deportivo I sosial.
- E organisashonnan por tin speransa ku esei lo ser re-introdusi pa otro aña ?
- Te ki montante ta permisibel pa dedusí for di impuesto.
