Detenshon relashoná ku atrako.

KOMUNIKADO DI PRENSA 490/ 2019
20 novèmber 2019
Detenshon relashoná ku atrako.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Kontinuando ku investigashon den un kaso di atrako ku a tuma lugá 17 di òktober
último na Seru Machu, polis a hasi un detenshon mas.
Djamars 19 di novèmber 2019, alrededor di 14.10’or, personal di Warda di Polis
Montaña riba òrdu di Ministerio Públiko a detené e hòmber F.M.P., nasé na Kòrsou
di 16 aña di edat, relashoná ku e atrako ariba menshoná
Detenshon di e sospechoso a tuma lugá na su kas na Montaña Rey.
A presentá F.M.P. dilanti un fiskal ouksiliar ku a ordená su enkarselamentu
pendiente di mas investigashon.