Kòrsou ta kampeon! Maduro & Curiel’s Bank ta selebrá ku Curaçaose Sòftbòl Bond (CSB)

Kòrsou ta kampeon!

Maduro & Curiel’s Bank ta selebrá ku Curaçaose Sòftbòl Bond (CSB)

 

Willemstad – Maduro & Curiel’s Bank komo spònser prinsipal, a invitá hungadónan, direktiva i e coachnan di CSB ku a sali kampeon Suramerikano na Ecuador, pa un selebrashon. 

For di aña 2013 MCB a kuminsá spònser CSB pa sòftbòl di damas ku sosten finansiero i otro forma di sosten, pa engrandesé e deporte bou di nos hóbennan. Ku e meta pa kontribuí na halsa e nivel kompetitivo, elevá e kalidat di ekipo, krea fasilidatnan pa trein, drecha infrastruktura i inkorporá coaching pa por kompetí internashonalmente. Esaki despues di 6 aña a bin logra den e kampeonato aki na Suramérika.

Miembro di gerensia di MCB, señor Michael de Sola a dirigí palabranan di elogio na kada hungadó individualmente i a felisitá e selekshon kompleto pa nan prestashon. Tambe señor De Sola a trese dilanti ku e hóbennan di CSB ta un ehèmpel pa nos komunidat. E deporte di sòftbòl ta relativamente nobo bou di hende muhé, pero ku un tremendo ‘team work’ CSB a sa di saka kara di Kòrsou den eksterior. Ta importante pa nos selebrá tur e momentunan positivo aki pa nos dushi Kòrsou. 

Promé ku a finalisá e selebrashon, señor Chicu Capriles direktor di MCB a hasi entrega di un gift card na kada miembro di e selekshon di CSB. 

Señor Lernnerth Angela, presidente di CSB na su turno a gradisí MCB pa su kontribushon di tantu aña i a hasi entrega di un bala firmá pa kada hungadó di e selekshon kampeon. 

Ta importante pa menshoná ku señor Angela na e momentunan aki ta na Hapon pa asistí na e Kongreso Mundial di sòftbòl  pa haña mas informashon i instrukshon tokante kampeonatonan di aña 2020 pa 2022; di manera ku Kòrsou lo por sigui partisipá den torneonan internashonal.

MCB ta deseá CSB tur klase di éksito den futuro i ta enkurashá henter e tim pa sigui traha duru pa sigui engrandesé e deporte i nivel di sòftbòl na Kòrsou. CSB por sigui konta ku sostén di MCB.

 

20 di novèmber 2019

 


Curaçao is kampioen!

Maduro & Curiel’s Bank viert mee met Curaçaose Softbal Bond (CSB) 

 

Willemstad – Als hoofdsponsor heeft Maduro & Curiel’s Bank de spelers, bestuur en coaches van CSB, die in Ecuador Zuid Amerikaans kampioen zijn geworden, voor een viering uitgenodigd. 

Vanaf 2013 is MCB begonnen om CSB te sponseren door het dames softbal met financiën en andere vormen van steun om de sport te doen groeien onder onze jongeren. Dit is met het doel om ertoe bij te dragen dat het competitieve niveau hoger wordt, de kwaliteit van het team op te schroeven, de infrastructuur te verbeteren en er coaching in op te nemen, opdat men internationaal kan wedijveren. Dit is na 6 jaar geresulteerd in het kampioenschap van Zuid-Amerika.

 

Directielid Michael de Sola van MCB richtte woorden van lof aan elk van de sporters individueel en feliciteerde de hele selectie met hun prestatie. Ook bracht de heer De Sola naar voren dat de jongeren van CSB als voorbeeld dienen voor ons gemeenschap. De softbal sport is relatief jong onder jongeren, maar dankzij geweldig teamwork is het CSB gelukt om Curaçao te doen zegevieren in het buitenland. Het is van belang om al deze positieve momenten voor ons ‘Dushi Kòrsou’ te vieren.

Voordat de viering ten einde kwam reikte MCB-directeur Chicu Capriles een gift card uit aan elk lid van de selectie van CSB. 

De heer Lernnerth Angela, voorzitter van CSB bedankte op zijn beurt MCB voor de bijdrage van zoveel jaren en overhandigde een bal getekend door alle spelers van de kampioensselectie.

Het is belangrijk te vermelden dat de heer Angela op dit moment in Japan is waar bij het Wereld Congres Softbal bijwoont om meer informatie en instructies te krijgen over de kampioenschappen van 2020 tot 2022, zodat Curaçao door kan gaan deel te nemen aan internationale toernooien.

MCB wenst CSB veel succes toe in de toekomst en moedigt het hele team aan om hard te blijven werken en de sport en het niveau van softbal op Curaçao blijvend op te krikken. CSB kan zich gesteund weten van de steun van MCB.

 

20 november 2019

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: