Produkshon na Isla atrobe interumpí pa fayo na CRU
Produkshon na Isla atrobe interumpí pa fayo na CRU
Djabièrne mardugá 01:30 a surgi un desperfekto na e planta di CRU. Konsekuentemente for di e momentu ei Isla mester a para produkshon tantu na e planta di TC-1 komo CD-2A.
Djadumingu mardugá 01:50 e desperfekto a keda remediá. Komo ku e interupshon a dura largu (mas di 30 ora) Isla awor lo mester bai pon’é dos plantanan bèk den operashon.
Ya a kuminsá ku e proseso di sirkulashon kayente ku e intenshon pa djaluna pone krudo bèk den e plantanan p’asina sigui ku e produkshon.
Isla ta keda preokupá pa e falta di konfiabilidat den entrega di utilidat i lo sigui vigilá e desaroyonan di aserka.
Departamentu di Relashon Públiko
Refineria Isla Curaçao B.V.
24 di novèmber 2019
639114718427035"
639114718427035"