Corant nobo ‘The Source’ presenta na Minister Xiomara Maduro

Corant nobo ‘The Source’ presenta na Minister Xiomara Maduro

 

ORANJESTAD – Siman pasa tabata di bishita na Minister Xiomara Maduro sra. Mirelle Scheper Werleman y su esposo kende a presenta e corant nobo ‘The Source’ na e mandatario. Sra. Mirelle a splica cu e corant lo contene noticia positivo y lo wordo publica dos biaha pa luna riba diahuebs. E prome edicion a wordo publica dia 5 di december ultimo riba e fecha natalicio di Minister Presidente Sra. mr. Evelyn Wever-Croes y pesey sra. Mirelle a entrega un exemplar tambe na Minister President hunto cu un areglo di flor pa recorda e dia special aki. Minister Xiomara Maduro tambe a ricibi un regalo di sra. Mirelle cual ta e buki ‘Restoration of Ezer’ cu ta conta e storia di e proposito di e hende muher den funcion di liderazgo. Por ultimo e mandatario a desea sra Mirelle hopi exito cu publicacion di ‘The Source.’