Rekompensa di 10 mil florin pa informashon tokante un kaso di atrako ku morto den Kanga

KOMUNIKADO DI PRENSA 519 / 2019
16 desèmber 2019 RIPITISHON

Rekompensa di 10 mil florin pa informashon tokante un kaso di atrako ku morto den
Kanga.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Polis ta yama komunidat danki pa e aporte risibí te na e momentonan akí, riba e kaso aki
bou menshoná. Nos no a risibí e tep di oro ainda. E investigashon ta kontinuando.
Konforme “Komunikado di prensa 416/2019”, Polis ke rekordá komunidat riba e
kaso di atrako ku morto, ku a tuma lugá djaweps 26 di sèptèmber 2019, alrededor di
06.10’or, den un kas na Kanga. En konekshon ku esaki polis ta bolbe pidi yudansa di
komunidat.
Riba e dia en kestion a bin topa e dama Agnes Maria Damoen, di 81 aña di edat,
morto riba su kama. (Komunikado di prensa 386/2019).
Polis ta hasiendo lo maksimo pa por yega na solushon di e kaso. E rekompensa di
dies mil florin antiano ku Ministerio Públiko huntu ku famia di e víktima a pone
disponibel pa esun ku por duna e tep ku por hiba na klaridat i solushon di e kaso aki
ta ketu bai na vigor. Abo ku por a tende, mira òf sa di kualke informashon, pasa
esaki pa polis.”
Pa duna tep riba e kaso aki, por yama e number anónimo di polis 108.
Kuerpo Polisial i Ministerio Públiko ta konta riba yudansa di komunidat pa por solushoná
e kaso aki tambe.