Konosido Músiko di Jazz John James Willekes ta fayesé
Konosido Músiko di Jazz John James Willekes ta fayesé
Djaweps 26 di desèmber último pa 5’or di mainta ta fayesé inesperadamente e konosido i talentoso músiko di Jazz Sr. John James Willekes, generalmente konosí komo “JJ Cool“. JJ Cool, un berdadero maestro riba spesialmente saksofon, a fayesé den un klínika na Colombia kaminda e tabata interná relashoná ku komplikashon kardiako. Su esposa Edna Monifa Willekes-King (LadyMo), ku semper a fungí komo guia indispensabel pa karera musikal di JJ Cool, tabata na su lado e momentu ei. John James Willekes ta yu di e igualmente konosí Jimmy
Boy. Pareha Willekes-King tin dos yu, esta dr. Kaia Willekes-Rosa (médiko) i John-Malcolm Jabari Willekes. Tur dos ta biba na Merka. Palabra di kondolensia ta bai pa famia Willekes-King i tambe henter famia Willekes.