KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIANOTISIA POLISIAL

Kaso di tiramentu ku morto.

KOMUNIKADO DI PRENSA 006 / 2020
5 yanüari 2020
Kaso di tiramentu ku morto.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djadumingu 5 di yanüari 2020 alrededor di 06.20’or, Sentral di Polis a risibí informashon ku na un establesimentu di dibertishon riba F.D. Rooseveltweg, tin un kaso di tiramentu i ku tin un hòmber gravemente heridá.
Mesora a dirigí algun unidat na e sitio i na yega di e promé unidat, el a topa ku un hòmber drumi abou den situashon kritiko dilanti di porta di un negoshi ku diferente herida di bala rònt di su kurpa.
A pidi presensia di ambulans, pero na yegada, no por a hasi nada mas pa e víktima.
Dòkter di polis ku tambe a yega na e sitio, a konstatá morto di e hòmber Richentley Bernardus, nase na Kòrsou dia 7 di yanüari 1996.
For di investigashon preliminar a sali na kla ku algun homber tabatin diskushon ku otro den e establesimentu i dado momentu un di nan a saka un arma di kandela i los tirunan dirigí riba e víktima.
Riba òrdu di fiskal di Ministerio Públiko a konfiská e kurpa, pa mas investigashon.

639114718427035"
639114718427035"