Pronóstiko di tempu pa Kòrsou i bisindario bálido te djarason mainta 06:00 o.l., 8 di Yanüari 2020.

Pronóstiko

Pronóstiko di tempu pa Kòrsou i bisindario bálido te djarason mainta 06:00 o.l., 8 di Yanüari 2020.
Kompilá: Djamars 7 di Yanüari 2020, 05:00 o.l. (09:00 UTC).

Tempu: Parsialmente nublá, temporalmente hopi nublá ku algun áwaseru. Lokalmente esaki por ta un poko fuerte.

Temperatura máksimo lo alkansá 29ºC i temperatura mínimo 24ºC.
Solo ta sali 06:58 i ta baha 18:25 o.l.

Bientu: Direkshonnan entre ost i nortost i suak te moderá; forsa 2 te 4 (7 te 30 km/ora, 4 te 16 nudo). Den áwaseru i den dia, ráfaga basta fuerte te fuerte; forsa 5 te 6 (31 te  50 km/ora, 17 te 27 nudo).

Situashon general: Un disturbio riba e parti oriental di Laman Karibe lo sigui influensia e tempu den nos region durante e promé parti di dia. Di manera ku prinsipalmente durante mainta, nubianan lo oumentá atrobe i awa lo kai riba diferente parti di nos isla. Ademas di esaki, bientu lo bira gradualmente mas fuerte durante e próksimo dianan.

Kondishon di laman: Por lo general trankil te moderá ku altura di olanan entre 0.5 i 1.5 meter (2 pa 4 pia).

Fenómeno spesial: Awe na  04:24AM ora lokal a surgi un temblor sùitwèst di Ponce, Puerto Rico. E temblor aki tabata di Magnitut 6.5.  Lo sigui monotonia e área aki pa temblor, mirando ku esaki ta aktivo e lastu dianan.

Perspektiva te djaweps mainta: Leve te parsialmente nublá i ku wer seku. Bientu lo ta mas fuerte for di ost.

Meteorólogo: Figueroa