BON GOBERNASHON I TRANSPARENSIA TA KEDA PUNTO DI SALIDA DEN PROSESO PA SIGUI KONKRETISA AKUERDO KU GRUPO KLESCH

BON GOBERNASHON I TRANSPARENSIA TA KEDA PUNTO DI SALIDA DEN PROSESO PA SIGUI KONKRETISA AKUERDO KU GRUPO KLESCH

Willemstad 10 di yanuari 2020 –  Bon Gobernashon i transparensiata keda puntonan di salida prinsipal den e negosashonnan ku lo sigui pa konkluí un futuro duradero pa nos refineriá bou di rienda di Grupo Klesch. Esakinan tabata for di salida importante den e proseso di negosashon ku e Project Management Organization (PMO) di Refineria di Kòrsou (RdK) a hiba den e negosashon.  

Esaki lo siguí ta e kaso den e proseso ku ta siguí awor ku Gobièrnu a pidi PMO di RdK pa guiá e proseso ku mester konkretisá e sobra akuerdonan den kuadro di e kombenio di mas aña ku Grupo Klesch. Komo parti di e proseso aki lo mester tuma luga negosashon entre Klesch i Gobièrnu i tambe ku diferente entidat di Gobièrnu.   

Bal enfatisá ku PMO, i komo tal su miembronan, lo no forma parti di e negosashonnan aki.  Loke si PMO lo hasi ta kanalisá i kordiná pa e.o. negosashonnan aki tuma luga. RdK lo siguí perkurá pa na tur momentu e proseso ta kumplí ku e prinsipionan di bon gobernashon i e garantiá di por responsabilisá unabes ku e proseso finalisá.  RdK i PMO no a i lo no duda pa tuma e akshon korekto dado kaso e prinsipionan aki ta keda peligrá òf tacha den e proseso.