Charla grátis riba “ADIKSHON NA TABAKO” dia 14 di yanüari 2020 na Sentro di Bario Souax
Charla grátis riba “ADIKSHON NA TABAKO” dia 14 di yanüari 2020 na Sentro di Bario Souax
Fundashon Pro Souax, Sentro di Bario Souax i Sentro Médiko Souax pa medio di esaki ta anunsiá na habitante di bario di Souax, Gato, Zegu, Ser’i Kandela i bisindario i tur otro interesado, ku djamars awor 14 di yanüari ta start ku e siklo di charlanan riba salú i kuido di salú, pa loke ta aña 2020.
E siklo di charla aki ya pa 11 aña ta na enkargo di Dr. Octavio Oliva, dòkter di kas pa bario di Souax. E luna aki dr. Oliva ta trata e tópiko: ADIKSHON NA TABAKO.
Un i tur ta keda invitá pa bin tende dr. Oliva splika kua ta e riesgonan pa bo salú, ora bo ta huma i kon humamentu ta afektá bo salú. Tambe dr. Oliva lo papia riba señal i sintoma di malesanan kousá pa humamentu i kua pasonan bo por tuma pa stòp ku humamentu. E charla ku ta tuma lugá na Sentro di Bario Souax ta di shet’or pa mitar di nuebe di anochi i entrada ta grátis. Lo tin amplio oportunidat pa hasi pregunta. Durante di e anochi di charla aki, Fundashon Pro Souax.lo repartí e planifikashon i tópikonan pa e siklo di charla di aña 2020.
Fundashon Pro Souax ke animá tur habitante di bario di Souax, Zegu, Ser’i Kandela, Gato i bisindario i tur otro interesado pero tambe otro interesadonan pa asistí na otro charla interesante riba bo salú i kon kuida bo salú. `
Charla riba tópiko di salú públiko
Tópiko : ADIKSHON NA TABAKO
Oradó : Dr. Octavio Oliva; dòkter di kas pa bario di Souax
Dia : Djamars 14 di yanüari 2020
Ora : Shet’or pa mitar di nuebe di anochi (19.00 – 20.30)
Lugá : Sentro di bario Souax
Entrada : GRÁTIS