Akuerdo di koperashon entre Kuerpo Polisial, C3 i kompanianan di seguridat.
KOMUNIKADO DI PRENSA
021 / 2020
16 yanüari 2020
Akuerdo di koperashon entre Kuerpo Polisial, C3 i kompanianan di seguridat.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaweps 16 di yanüari 2020, Minister di Hustisia, sr. Quincy Girigorie i hefe di Kuerpo
Polisial Kòrsou, sr. Mauricio Sambo, a firma un akuerdo di koperashon ku 14 di kompania di
seguridat privá i e kompania di radio komunikashon C3.
E akuerdo di koperashon aki ta den kuadro di kombatimentu di kriminalidat di un forma
mas efektivo i integral.
A base di interkambio di informashon entre polis i kompanianan di seguridat privá, lo bai
sigui amplia e data di informashon di polis, analisando dia, ora i sitionan na unda krímennan
ta tuma lugá pero tambe e forma kon nan ta sosodé.
Alabes e koperashon aki lo nifiká tambe ku kompanianan di seguridat por reakshoná
rápidamente riba yamadanan di Sentral di Polis òf polis por asistí e kompanianan aki
inmediatamente na momentu ku nan konstatá un akto kriminal.
Mester mira e koperashon aki di e kompanianan di seguridat komo un wowo i orea èkstra
di polis.
Kompania C3 a sòru di pone e plataforma di komunikashon, dor di pone un kanal di radio
sin gastu, pa e komunikashon ku mester tin entre polis i e kompanianan.
Durante di firmamentu di e akuerdo aki, e liña korá di tantu minister komo di hefe di
kuerpo tabata, ku polis so no por kombatí kriminalidat. E ta un tarea i responsabilidat di nos
tur.
I e akuerdo ku a sera awe, ta un ehèmpel di esaki.