KÓDIGO HEL: UN PREKOUSHON PA LAMAN BRUTU. Pronóstiko di tempu pa Kòrsou i bisindario bálido te djárason mainta 6:00 o.l., 22 di yanüari 2020.

Pronóstiko

Pronóstiko di tempu pa Kòrsou i bisindario bálido te djárason mainta 6:00 o.l., 22 di yanüari 2020.
Kompilá: djamars 21 di yanüari 2020, 05:00 o.l. (09:00 UTC).

KÓDIGO HEL: UN PREKOUSHON PA LAMAN BRUTU.

Tempu: Parsialmente nublá ku chèns pa algu di áwaseru breve durante oranan di mainta. Despues di mèrdia un tempu generalmente seku lo prevalesé.

Temperatura máksimo lo alkansá 31ºC i temperatura mínimo 25ºC.
Solo ta sali 07:01 i ta baha 18:33 o.l.

Bientu: Generalmente ost i moderá te basta fuerte; forsa 4 te 5 (20 te 39 km/ora, 11 te 21 nudo). Posiblemente durante di dia, de bes en kuando fuerte den ráfaga; forsa 6 (40 te  50 km/ora, 22 te 27 nudo).

Situashon general: Durante di próksimo 24 ora, no ta antisipá desaroyo di nubianan signifikante riba nos region. Sin embargo, un oumento temporal di nubia durante oranan di awe mainta por generá algu di áwaseru riba sierto parti di nos isla. Despues di esaki un kondishon di tempu relativamente seku lo prevalesé. Mas aleu, e sistema di preshon haltu riba Atlántiko lo bira gradualmente mas suak i sòru pa e bientu bira gradualmente ménos den nos área.

Kondishon di laman: Por lo general moderá te basta  brutu ku altura di ola entre 1.5 te 2.5 meter (4 pa 8 pia), esaki ta pa motibu di resake. Ta antisipá ku kondishon di laman lo mehorá durante dia.

Fenómeno spesial: Ningun.

Perspektiva te djaweps mainta: Parsialmente nublá ku ménos bientu i seku.

Meteorólogo: Rombley.