TARIFA DI GASOLIN, ELEKTRISIDAT I AWA TA BAHA, DIESEL TA SUBI / BENZINE, WATER EN ELEKTRICITEIT GOEDKOPER, DIESEL DUURDER

TARIFA DI GASOLIN, ELEKTRISIDAT I AWA TA BAHA, DIESEL TA SUBI

WILLEMSTAD – Entrante djamars dia 4 di febrüari di 2020 e tarifa regulá di gasolin lo baha
na Kòrsou i e tarifa di diesel lo subi. For di djasabra 1 di febrüari 2020 e tarifa di elektrisidat i
awa ta baha. Esaki Bureau Telecommunicatie en Post (BT&P) ta partisipá den su komunikado
mensual riba e partikularidat aki. BT&P ta supervisá e desaroyo di preis di produktonan
petrolero i di utilidat.
Kálkulo tarifa produktonan kombustibel
E kálkulo di tarifa pa Mogas 95, Gasoil LSD, LPG 20 i LPG 100 konosé e komponentenan
1. Preis di kompra, 2. Impuesto di importashon LSD, 3. Márgen pa Curoil, 4. Impuesto di
konsumo (Akseins), 5. Sùrplùs/Défisit (Recovery), 6. Supsidio krusá, 7. O.B. di 6% pa benta
por mayor, 8. Márgen pa agente i 9. O.B. di 6% pa benta por detal. Pa sierto komponente e
tarifa sero ta konta – sea temporalmente òf nò –. E tarifa pa benta por mayor ta inkluí e promé
shete komponentenan miéntras ku e tarifa pa benta por detal (na usuario final) ta inkluí tur
nuebe komponente.
Ta determiná e preis di kompra, kaminda kalkulashon ta kuminsá, mensualmente pa e luna
siguiente a base di Curoil su fakturanan di kompra di e luna anterior. Pues: e preisnan di
kompra ku ta stipulá pa febrüari 2020, ta basá riba Curoil su fakturanan di kompra di
dezèmber 2019. Den kaso ku kompra no a tuma lugá den un sierto luna pa motibu di un
reserva adekuá, ta sali for di e fakturanan di kompra di mas resien. E preisnan di kompra akí
ta wordu revisá dor di notashon di preis internashonal. Ta tene kuenta tambe ku otro eventual
gastunan, relashoná ku e kompra, por ehèmpel gastunan di inspekshon. Dor di e lapso di dos
(2) luna den e mekanismo pa determiná preis, por ta nesesario pa deskontá eventual diferensia
entre e preis di kompra regulá i e montantenan di kompra real, di forma retroaktivo via e
elemento ‘Sùrplùs/Défisit’.
E bahada di e tarifa usuario final pa Mogas 95 ta prinsipalmente resultado di un bahada di e
preis di kompra i e komponente sùrplùs/défisit. E subida di e tarifa usuario final pa Gasoil
LSD ta prinsipalmente resultado di un subida di e preis di kompra i un bahada di e korekshon
den e komponente sùrplùs/défisit.
Kálkulo tarifa awa i koriente
E kálkulo di e tarifa pa awa i elektrisidat tin dos komponente: e tarifa básiko i e klousula di
kombustibel.
E klousula di kombustibel ta konsistí di dos elemento: kompra di koriente i gastunan di
kombustibel. E ‘kompra di koriente’ ta basá riba e preis pa e energia ku tersernan ta
suministrá, manera energia di bientu, di solo i di CRU. ‘Gastunan di kombustibel’ ta enserá
produkshon di energia dor di Aqualectra mes. Sin embargo, kada luna e uso di e diferente
medio pa produkshon – e asina yamá ‘meskla di produkshon’ ta varia. P’esei BT&P ta
determiná e balor di e klousula di kombustibel mensualmente basá riba e pronóstiko di
Aqualectra, di kiko e meskla di produkshon lo bira, den e kaso aki pa e luna di febrüari 2020.
Si un luna despues resultá ku e elemento akí tabata muchu haltu òf muchu abou, ta korigí
esaki. Den e kaso akí, ta trata di e luna di dezèmber 2019.
BT&P ta determiná e tarifa básiko pa tantu awa komo elektrisidat un biaha pa aña. E tarifa akí
ta enserá tur otro gastu (fiho) pa e produkshon di awa i elektrisidat i tambe e gastunan pa e
distribushon i e entrega di esakinan, manera gastu di personal, di mantenshon, depresiashon,
etc.
Ta trata di un bahada den e tarifa di awa i elektrisidat ku ta resultado di un bahada leve den e
preis di kombustibel i un faktor di korekshon mas abou ofer di e luna di dezèmber 2019.
Aprobashon i fihamentu
BT&P ta asesorá Konseho di Minister (KdM) enkuanto e tarifanan nobo. Solamente despues
ku e KdM aprobá e propuesta, e Minister pa Desaroyo Ekonómiko, ku a la bes ta enkargá ku
asuntunan di energia, ta fiha e tarifanan. Eseinan ta e tarifanan máksimo ku por usa un luna
largu. Ku e prosedura akí, ku ta konsiderá faktornan internashonal i lokal, e supervisor BT&P
ta vigilá e entrega di kombustibel, awa i elektrisidat na e poblashon lokal di forma
independiente i transparente, pa esaki ta kontínuo i rasonabel.
Por mira e ahustenan eksakto den e tarifanan riba http://www.btnp.org.

 

---

 

BENZINE, WATER EN ELEKTRICITEIT GOEDKOPER, DIESEL DUURDER

WILLEMSTAD – Vanaf dinsdag 4 februari 2020 daalt het gereguleerde tarief van benzine op
Curaçao en stijgt het tarief van diesel. Vanaf zaterdag 1 februari 2020 daalt het tarief van
elektriciteit en water. Dit meldt het Bureau Telecommunicatie en Post (BT&P) in haar
maandelijkse persbericht hierover. BT&P houdt toezicht op de prijsontwikkelingen van
olieproducten en van nutsvoorzieningen.
Tariefberekening brandstofproducten
De tariefopbouw van Mogas 95, Gasolie LSD, LPG 20 en LPG 100 kent de elementen
1. Aankooprijs, 2. Importbelasting LSD, 3. Marge Curoil, 4. Accijnzen, 5. Overschot/Tekort
(Recovery), 6. Kruissubsidie, 7. Groothandel O.B. 6%, 8. Dealer marge en 9. Kleinhandel
O.B. 6%. Voor sommige elementen geldt – al dan niet tijdelijk – het nultarief. Het
groothandelstarief omvat de eerste zeven elementen terwijl het kleinhandelstarief alle negen
elementen omvat.
De aankoopprijs, waarmee de berekening begint, wordt maandelijks voor de volgende maand
bepaald aan de hand van de inkoopfacturen van Curoil van de vorige maand.
Dus: de aankoopprijzen die worden gehanteerd voor de maand februari 2020 zijn in beginsel
gebaseerd op Curoil’s inkoopfacturen van de maand december 2019. In het geval er geen
aankopen zijn geweest in een bepaalde maand vanwege een toereikende voorraad, wordt
uitgegaan van de meest recente inkoopfacturen. Deze aankoopprijzen worden tevens getoetst
aan de internationale prijsnoteringen. Er wordt ook rekening gehouden met eventuele andere
aan de inkoop gerelateerde kosten (bv. inspectiekosten). Via het element ‘Overschot/Tekort’
worden vanwege deze 2 maanden vertraging steeds achteraf de verschillen tussen de
gereguleerde aankoopprijs en de werkelijke inkopen in een bepaalde maand verrekend.
De daling van het eindgebruikerstarief voor Mogas 95 is voornamelijk het resultaat van een
daling van de aankoopprijs en de overschot/tekort component. De stijging van het
eindgebruikerstarief voor Gasolie LSD is het voornamelijk resultaat van een stijging van de
aankoopprijs en een daling van de correctie in de overschot/tekort component.
Tariefberekening water en elektriciteit
De tariefopbouw voor water en elektriciteit kent twee componenten: het basistarief en de
brandstofclausule.
De brandstofclausule bestaat uit twee elementen: inkoop van elektriciteit en brandstofkosten.
De ‘inkopen’ zijn gebaseerd op de prijs van energie die derden leveren, zoals windenergie,
zonne-energie en de CRU. De brandstofkosten betreffen de kosten van energieopwekking
door Aqualectra zelf. Echter, iedere maand varieert de inzet van de verschillende
productiemiddelen, ook wel genoemd ‘de productiemix’. De hoogte van de brandstofclausule
wordt daarom maandelijks door BT&P bepaald aan de hand van Aqualectra’s prognose van
wat de productiemix zal zijn, in dit geval voor de maand februari 2020. Als een maand later
blijkt dat de component te hoog of te laag lag, wordt deze gecorrigeerd. In dit geval betreft dat
dus de maand december 2019.
Het basistarief voor zowel water als elektriciteit wordt een keer per jaar bepaald door BT&P.
Dit tarief omvat alle overige (vaste) kosten voor de productie van elektriciteit en water en alle
kosten voor de distributie en levering daarvan, zoals personeelskosten, onderhoudskosten,
afschrijvingen etc.
De daling van de elektriciteits- en watertarieven is het resultaat van een lichte daling in de
brandstofkosten en een lagere correctiefactor over de maand december 2019.
Goedkeuring en vaststelling
Het BT&P adviseert de Raad van Ministers (RvM) over de nieuwe tarieven. Pas nadat de
RvM het voorstel goedkeurt, stelt de Minister van Economische Ontwikkeling, die tevens
belast is met energiezaken, de tarieven vast. Dat zijn dan de maximale tarieven die een maand
lang gehanteerd mogen worden. Met deze procedure, die internationale en lokale factoren in
aanmerking neemt, bewaakt toezichthouder BT&P op een onafhankelijke, transparante manier
de continuïteit en de billijkheid van de levering van brandstof, water en elektriciteit aan de
lokale bevolking.
De exacte prijsaanpassingen zijn te vinden op http://www.btnp.org