Frakshon di MFK, ta sigui duna su kontribushon den limpiesa di Kòrsou e biaha aki den area di Montagne Abou na e kasnan di gobiernu ku un akshon di limpiesa grandi

Frakshon di MFK, ta sigui duna su kontribushon den limpiesa di Kòrsou e biaha aki den area di Montagne Abou na e kasnan di gobiernu ku un akshon di limpiesa grandi

 

Abitantenan i hóbennan di Montagne Abou, pa ta eksakto den e area di e kasnan di gobiernu a aserka frakshon di MFK pa duna un man den limpiesa de e bario menshoná.

 

Manera ya MFK a bin ta demonstrá ku aparte di ta un vigilando di tur e problemanan ku Kòrsou ta enfrentá i ta sali semper na defensa di pueblo di Kòrsou, frakshon di MFK kaminda por ta duna su aporte na limpiesa di nos isla.

 

Durante aña 2016, MFK a tene un akshon grandi di limpiesa kaminda nos a rekohé nos ménos ku 1.4 mion kilo di sushi rònt Kòrsou i depositá esaki nan na landfill Mal Pais. 

 

Despues ku siman pasa kolega Gilbert Doran a tuma akshon i limpia e rotònde na Brievengat dilanti di stadion Ergilio Hato. E biaha aki ta miembro di frakshon i Parlamentario Juniel Carolina ku a duna sosten na abitantenan di Montagne Abou.

 

E akshon di limpiesa den Montagne Abou a kuminsá for di djárason último, kaminda a limpia diferente plenchi i areanan di rekreashon den e bario menshoná i e limpiesa aki lo bai kulminá djasabra awor ku un akshon di limpiesa grandi den area di e skolnan den e bario aki.

 

Naturalmente tur abitante di e bario ta bon bini djasabra awor pa duna un aporte pa asina e bario por ta limpi i ku un ambiente sano i limpi pa biba aden. frakshon i direktiva di MFK kier felisitá e hóben nan ku a tuma e inisiativa aki pa kuminsá ku e akshon di limpiesa aki i ku hopi plaser frakshon di MFK a duna su kontribushon na e akshon di limpiesa aki.

 

Athunto algun potrèt di limpiesa di algun area ku ya a tuma lugá durante di e dianan aki.

 

Direktiva di MFK