Análisis di krimenan di impakto haltu.

 

KOMUNIKADO DI PRENSA 119 /2022
8 mart 2022
Análisis di krimenan di impakto haltu.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Krímennan di impakto halt durante di e periodo di 28 di febrüari pa 3 di mart 2022 a duna
na resultado lo siguiente.
Atrako
Den e e periodo ei tabatin shete (7) kaso di atrako. E atrakonan aki a tuma lugá entre
02.00’or i 03.00’or di mardugá prinsipalmente den e area di Punda.
E sítionan tabata Winterswijkstraat, Nijmegenstraat, Nieuwe Pareraweg, Kaya Indigo,
Granaatappelweg, Caracasbaaiweg i Andres Belloweg.
Mayoría di e atrakonan aki tabata riba kaya i den negoshi.
Ladronisia di vehíkulo
Den e periodo aki, tabatin dos (2) notifikashon di ladronisia di vehíkulo, di kua unu a keda te
na un intento.
E ladronisia tabata entre djabièrnè 18.00 i djasabra 06.00’or. Pa loke ta e intento di
ladronisia, esaki a tuma lugá alrededor di 11.55’or di djasabra. E área fo’i unda a hòrta e
Toyota Hiace blanku tabata Brakkeput Abou i pa loke ta e intento di ladronisia di un Nissan
Versa kora, e sítio tabata Penstraat.
Kiebro den kas
A registrá 5 kiebro den kas i mayoria a tuma lugá riba djaweps entre 08.00’or i 15.30’or.
Malechornan a bishitá e kayanan manera Kaya Nathan, Kaya Hubert D. Fernandez i Kaya
Padova.
E individuonan a penetrá den mayoria kas dor di sea kibra of fòrsa porta di kas di patras.
Kiebro den negoshi
Polis a tuma den e periodo aki 7 denunsia di kiebro den negoshi.
E kiebronan aki tur a tuma lugá entre 03.00’or i 05.00’or dor di fòrsa kandal i porta di e
edifísio of baha via di dak.
Departamentu di Komunikashon i Prevenshon
Página 2
SIRBI I PROTEHÁ
Mayoria di e kiebronan aki a tuma lugá riba djabièrne.
E áreanan na unda e kiebronan aki a tuma lugá tabata Zuikertuintje, Saliña, Maria Maai i
Janwe.
Kiebro den outo
Tabatin seis (6) kiebro den outo, ku a tuma lugá prinsipalente riba djabièrnè entre 21.00’or i
22.30’or.
E método ku mas e malechornan a usa tabata sea pa fòrsa of kibra e bentana di porta na
man drechi patras di e vehíkulo.
E sítionan na unda a kibra den outo tabata Willibrordus (zoutpan), Mambo, Palu Blanku,
Oranjestraat na latura di santana, Mirla Plateweg, Katunastraat.
Violensia relashonal
E periodo tras di lomba tabatin 5 kaso di violensia relashonal, di kua mayoria a tuma lugá
riba djamars i djadumingu.
E gran kantidat di yamadanan ku polis a haña pa atendé e kasonan aki, tabata entre
21.00’or i 22.00’or.
E áreanan kaminda ku polis mester a duna asistensia pa e tipo di violensianan aki, tabata
entre Rooi Santu i Jandoret.

This site uses Akismet to reduce spam. Learn how your comment data is processed.

%d bloggers like this: