Bishita di Prins ku Pancho hubenil a bishitá SOAW

Bishita di Prins ku Pancho hubenil a bishitá SOAW

Geplaatst op 03 February 2020 dor di Ministerio Desaroyo Sosial, Labor i Bienestar

Willemstad – Ministerio di Desaroyo Sosial, Labor i Bienestar (SOAW) tabatin e honor di risibí dos chikitin super talentoso i tambe inspirativo. Ta trata di Railipo Martina & Raimison Martina. Nan a logra bai ku e título máksimo den e kompetensia di Prins i Pancho hubenil.

E dos hóbennan aki a trese un mensahe hopi importante dilanti pa tur hobensito, hóben adulto i hende grandi den nos komunidat ku ta “si bo kai, lora abou i lanta bèk i nunka keda abou”. Ta palabranan ku ta inspirá i ta hopi atmirabel pa mira ku for di un edat chikí nos muchanan ta karga, biba i kompartí e mensahe balioso aki.

Ministerio sosial, labor i bienestar netamente ta para pa esaki den e agènda sosial pa Kòrsou ku e tema Kai, Lanta i Sigui, kaminda e ministerio ke enfoká ku nunka no mester entregá i semper sigui pa dilanti.